Jaqynda qazaqtyng Úly aqyny Abay Qúnanbayúlynyng eskertkishi Mysyrdyng Kair qalasynda ornatylatyn bolady. QR Syrtqy ister ministrligining mәlimeterine sýiensek,  qazaq aqynynyng eskertkishin ashugha Mysyr astanasynyng basshylyghy bastamashylyq etip otyr. Búl turaly abai.kz  portaly Total.kz-ke silteme jasay otyryp habarlaydy.

QR SIM baspasóz qyzmeti taratqan aqparattargha sýiensek, Abay Qúnanbayúlynyng eskertkishi 2016 jyly Mysyr astanasy Kair qalasyndaghy «Bostandyq jәne dostyq» sayabaghynda ornatylady dep josparlanghan.

Jaqynda Qazaqstannyng Mysyrdaghy tótenshe jәne ókiletti elshisi Berik Aryn myrza Kair qalasynyng basshysy Gh.Mústafa Múammed Saidpen kezdesken.

Kezdesuler barysynda eki  el arasyndaghy sauda-ekonomikalyq, mәdeniy-turistik qarym-qatynastar jaghdaylary talqylanghan.

Sonymen qatar, 1999 jyly qol qoyylghan Mysyr men Qazaqstan arasyndaghy dostyq kelisimsharttary negizinde,  eki el astanalary arasyndaghy yntymaqtastyqty arttyru mәseleleri de sóz etilgen.

Óz kezeginde  Kair qalasynyng basshysy Gh.M.Said myrza Qazaqstannyng osy uaqyttar aralyghynda jetken jetistikterin sóz etip, aldaghy uaqyttary Qazaqstanmen qarym-qatynastaryn nyghaytugha niyetti ekendikterin jetkizgen.

Sonyng alghashqy kórinisteri retinde, keler jyly Kair qalasynda ornalasqan «Bostandyq jәne dostyq» sayabaghynda qazaq aqyny Abay Qúnanbayúlynyng eskertkishin ashu turaly kelisimge qol qoyyp, uәdesin bergen.

Biyl - qazaqtyng úly oishyly, aqyn Abay Qúnanbaevtyng tughanyna 170 jyl. Osy aituly datagha baylanysty respublikamyzda ghana emes, әlemning týkpir-týkpirinde týrli sharalar úiymdastyryluda.

Ras, Kairden jetken búl habar kónilimizdi marqaytyp tastady bir. Dese de, Kair qazaq aqynyna eskertkish qoyghan alghashqy qala emes.

Ózbekstan astanasy Tashkenttegi Abay eskertkishi

Mysaly, 1988 jyly Kiyev bir kóshening atyn Abay Qúnanbaevtyng atyna berdi. Aqyn atyndaghy kóshe sonday-aq Ukrainanyng Kramatorsk, Dnepropetrovsk qalalarynda da bar.  

1995 jyly 15 aqpanda әlemning ortalyghy sanalatyn London qalasynda Rollan Seysembaevtyng bastamasymen Abay ýii ashyldy. Kairde Abay atyndaghy kóshe 1998 jyly payda bolsa, Berlinde 2000 jyly 18 aqpan kýni Abay-shtrasse ashylghan. Sonymen birge Tashkent, Bishkek qalalarynda da, tipti Ýndistannyng astanasy Niu Deliyde de Abay Qúnanbaev atyndaghy kóshe bar.

2006 jyly Resey astanasy Mәskeudin  «Chistye prudy» bulivarynda Abay eskertkishi ashyldy. 

2007 jyly qazan aiynda Iran Islam Respublikasy Tegeran qalasynda Abay mýsini ashyldy. Mýsin Últtyq kitaphanagha kireberis alleyada ornatylghan. Sonday-aq Iran últtyq kitaphanasynda da Abaydyng mýsini qoyylghan. 

Al 2011 jyly jeltoqsan aiynda Ázerbayjan astanasy Bakude Abay Qúnanbaevtyng atymen atalghan kóshening saltanatty ashylu rәsimi ótti.

2013 jyly mausym aiynda Qazaqstan Preziydenti Núrsúltan Nazarbaev pen Ózbekstan Preziydenti Islam Karimovtyng qatysuymen Tashkenttegi Abay kóshesinde aqyn eskertkishi ashyldy.

2014 jyly nauryzda Qytay astanasy Beyjinning ortalyghyndaghy «Chaoyan» sayabaghynda Abaygha arnalghan eskertkish ashyldy.

2014 jyly Vengriya astanasy Budapeshttegi Astana kóshesine Abaydyng eskertkishi ornatyldy.

Núrgeldi Ábdighaniyúly

Abai.kz  

Derekter QazAqparattan alyndy