Jaqynda ghana 1-jeltoqsan kýni aidaryn asqaqtatyp, arqa-jarqa bolyp «Túnghysh Elbasy kýnin» barshamyz bolyp atap óttik. Tiyesili bir kýninde demaldyq.  Preziydentimizding ózi Elordadaghy jana jyldyq bas shyrshany jaghyp berdi. Júrt mәz-meyram. Mәdeniyet ministri Arystanbek myrza aitpaqshy, «baqytty kezde ómir sýrip jatqan» halyq ýshin búdan asqan quanysh bar ma? Endi ne kerek?  Biylik dәlizinde jýrgen keybir sayasatkerlerding pikirinshe, qazaq ózining mynjyldyq tarihynda múnday baqytty kezende ómir sýrip kórgen joq. Múnyng bәri Elbasymyzdyng arqasy. Dauymyz joq.

Jalpy bizding ózimiz kez kelgen merekeni Preziydent Nazarbaevtyng esimimen baylanystyryp kórsetudi jaqsy kóretinimiz jasyryn emes. Sebebi, biz Ony sýiemiz. Elimiz Tәuelsizdik alghan shiyrek ghasyrda aitarlyqtay jetistikterge jetti deymiz. Ekonomikalyq әleuetimiz artty. Ýzdik elulikke kirdik. Ony qoyshy, endi alghashqy otyzdyqqa úmtylyp kelemiz. Múnyng bәri Túnghyshymyzdyng arqasy ekenine kóz júma almaymyz. Obiektivti bagha berer bolsaq, aitarymyz osy. Áriyne, halqymyz kedeyshilikten 100 payyz qútylyp, ýlde men býldege oranyp otyr dey almaymyz. Múndayda «Kýieuim joq bolsa da, kýiim jaqsy» degen sóz eske týsetini ras. Bizding dәl qazirgi jaghdayymyz osynday.

Jә, mening aitpaghym mýlde basqa edi ghoy. Ras, jaqynda sheteldik basylymdardardyng birinen biz turaly doghal derekti kózim shalyp qaldy. Onda bizdegi maqtamaudy ótingen sayyn, madaqtalatyn basshylar men jeke basqa tabynushylyq degen qoghamgha dendep ketken qúldyq psihilogiya turaly aitylypty. Ras, qazaq – basshysyn maqtaudan dýniyejýzinde ýzdik ýshtikke kiripti. Aldymyzda ashyq diktatorlyq memleketter Soltýstik Koreya men Ózbekstan. Sodan keyin baryp biz túrmyz.

Tang qaldym. Qysqasy, halyq egini bitik shyqsa da, maly tóldese de, eng aqyry qayghysyz ishken qara suyna da shýkir etip, Basshysyna alghysyn aityp, onyng tileuin tilep otyrady, bizde. Búl bir jaghynan kezinde kәmpeskeleuden jәne tapqan dýniyesin, tipti, qoyynan qyryqqan jýnine deyin ýkimetke ótkizip zәrezap bolghan halyqtyng kenshiliktegi jasaghan shýkiri, Patshasyna aitqan alghysy shyghar. Halyq – tәubeshil, shýkirshil.

Endi sayasatkerler arasynda Elbasyn maqtaudan aldyna jan salmay jýrgen basshylar az emes. Jaghympazdyqtyng dýdәmәl dodasy әldeqashan bastalyp ketken.

Jaqynda Azattyq sayty Elbasyn maqtaushylardyng birsypyrasyn tizip shyghypty (http://www.azattyq.org/contentinfographics/infographics/27399828.html).

Vladimir Nehoroshev, eks-deputat (2011 j)

«Qazir júrt: Búl adamnyng boyynda kýn bar, onyng Núr-sәulesi jolymyzgha jaryghyn týsire bersin, deydi. Núrsúltan Ábishúly Qúday bergen danyshpan. Onyng Núr-sәulesi elimizdi odan әri núrlandyra bersin»

Qanat Saudabaev, Mәjilis deputaty (2012 j)

«Qazaqstannyng damu joly men Núrsúltan Nazarbaevtyng jana tәuelsiz memleket qúrghan strategiyasy, jasampaz enbegi әlemdegi kóptegen elderde salmaqty taldaular men tereng zertteulerding nysanyna ainaldy».

Múhtar Qúl-Múhamed, QR Preziydentining kenesshisi (2012 j)

«AQSh ýshin Djordj Vashington men Tomas Djefferson qanday túlgha bolsa, Nazarbaev ta sonday dengeydegi túlgha. Eshqanday kótermeleusiz-aq, Nazarbaev – barlyq qazaqstandyqtar ýshin elding negizin salushy».

Baqytjan Júmaghúlov, eks-BGhM (2012 j)

«Planetarlyq dengeydegi  sayasatker Núrsúltan Ábishúlynyng halyqaralyq dengeydegi úsynystary qoldau tauyp otyr. Bolashaqty boljaghan Abay babamyz qanday úly bolsa, halyq, zaman synynan mýdirmey ótip kele jatqan Nazarbaev ta sonday túlgha».

Smaghúl Rahymbay, jazushy (2012 j)

«Aytary joq, Elbasymyz – rasynda qaytalanbas qasiyetti, dara túlgha».

Oljas Sýleymenov, aqyn (2013 j)

«Biz damuymyzdyng 25 jylynda jaqyndaghan altyn qima – Úly sayasatker Núrsúltan Nazarbaevtyng sayasy óneri arqasynda qol jetkizgen ýlken tabysymyz».

Ábsattar qajy Derbisәli, eks-bas mýfty (2013 j)

«Han Abylay men ózge de súltandar qazaqtyng basyn biriktire almay ómirden ótti. Olardyng aldynda qanshama ret halyq retinde joyylyp ketu qauipi túrdy. Halyqty múnday qauipten qútqaru Alannyng qalauymen Núrsúltan Nazarbaevqa búiyrdy».

Arystanbek Múhamәdiyúly, QR Mәdeniyet jәne sport ministri (2015 j)

«Endi Núrsúltan Áishúly, shynyn aitqanda baqytty kezde ómir súrip jatyrmyz ghoy. Tәuelsizdiktin, Sizding arqanyzda».

Mihail Podolyakov,  Qostanay qalalyq ardagerler kenesining tóraghasy, (2015 j)

«Elbasy kez-kelgen maqtau sózge layyq. Ol qarapayym, kópshil adam. Jaqsy jәne aqjarqyn adamgha tәn qasiyetterding barlyghy bizding Elbasymyzdyng boyynan kezdesedi. Sondyqtan Preziydentti jaqsy kórmeu mýmkin emes».

Myrzatay Joldasbekov, professor, abyz (2015 j)

«Mening “Kemenger” degen maqalam Tәuelsizdik merekesinen bir kýn búryn shyqty. Men onda bәrin jazyp edim. Tanerteng Imanghaly Tasmaghanbetov qonyrau shalyp, «Agha, qútty bolsyn. Maqalanyz shyghypty. Keremet jazypsyz» – dedi. Artynsha Núrekenning ózi habarlasty. «Myrzeke sen Tәuelsizdikting shejireshisi boldyng dedi».  Men de quandym. Preziydentten múnday baghalanu degen kez-kelgenning basyna búiyra bermeydi. Ol Allanyng qazaqqa bergen syiy»

Núrgeldi Ábdighaniyúly

Abai.kz