Ónir basshysy Beybit Atamqúlov birqatar azamattardy jeke mәselelerimen qabyldady. Búl turaly abai.kz portaly Ontýstik Qazaqstan oblysy әkimdigining baspasóz qyzmetine silteme jasay otyryp habarlaydy.

Ontýstik Qazaqstan oblysy әkimi Beybit Atamqúlovtyng enbekqorlyghy men halyqshyldyghy turaly osynyng aldanda qazaqstandyq BAQ-ta az aitylmady. Beybit Atamqúlovtyng jeke azamattardy jii qabyldap, uәjderine nazar audaryp túratynyn biz jaqsy  bilemiz. Ózining halyqshyldyghymen erekshelenetin Beybit Atamqúlov kezekti ret halyqpen kezdesu ótkizdi. Oblys basshysynyng arnayy  qabyldauyna  kelgen «Otyrar» shaghyn audanynyng túrghyny, I top mýgedegi Berkinbaeva Qúrmankýl ózining jaldamaly pәterde túratynyn aityp, ónir basshysynan kómek súraghan. Sonymen qatar, Berkimbaeva túrghyn ýy kezeginde 3888-shi bolyp tirkelgenin aityp, II toptaghy úlynyng júmysqa túruyna kómek kórsetuin súraghan. Al B.Atamqúlov búl mәseleni ózi nazargha alyp, Berkinbaevany ýy kezegi kelgenshe qyzmettik ýimen qamtamasyz etudi, úly Eskendir Oljasty júmysqa ornalastyru jayyn sheshudi jauapty sala mamandaryna  jýktedi.

Al, jeke kәsipker Tolyanov Anarmet ónirden elektro-izolyatorlyq zauytyn ashugha qayta qarjylandyrudy súrady. Kәsipker búghan deyin «Maksimum» aimaqtyq investisiyalyq ortalyghynyng qarjylandyru baghdarlamasy ayasynda 16 mln. tenge alghanyn, onyng 2 mln. tengesin qaytarghanyn aitty. Oblys әkimi búl jaytty keninen zerttep qayta qaraytynyn mәlimdedi.

Túrghyndardyng talap-tilekterin múqiyat tyndaghan oblys basshysy B.Atamqúlov basqarma qyzmetkerlerimen kenese otyryp aitylghan mәseleler nazargha alynyp, ret-retimen sheshiletinin jetkizdi. Qoghamdyq qabyldau barysynda oblys basshysy B.Atamqúlov aghymdaghy jylda qúrylys, kommunaldyq sharuashylyq salasynda atqarylatyn júmystardy aityp,  túrghyndar uәjderi boyynsha sala basshylaryna birqatar tapsyrmalar berdi.

OQO әkimining baspasóz qyzmeti