Qazaqstannyng búrynghy premier-ministri Serik Ahmetov pen Qaraghandy oblysynyng búrynghy sheneunikterining ýstinen jýrip jatqan sotta aiyptau tarabynyng Qaraghandydaghy su qúbyrlary-tazartu jýielerining qúrylysyna qatysty jana aiyptaulary qarala bastady. Osy jayt boyynsha aiyptalyp otyrghandardyng biri, «Qazaqstandyq ónerkәsip korporasiyasy» kompaniyasy bas diyrektorynyng orynbasary Áljan Aqmoldaev sotta  Serik Ahmetovting ózine qúral-jabdyq pen tehnologiyalardy qoldanu boyynsha kimdermen kelisimshart jasau kerektigin aityp otyrghanyn mәlimdedi. Aqmoldaevtyng týsindiruinshe, onyng kompaniyasy Ahmetovting maqúldauymen búrynghy joghary lauazymdy sheneuniktin  úly Daniyar Ahmetovpen júmys istegen, ol óz kezeginde kәsipkerden «arab kompaniyasynyn» esepshotyna  4 mln dollar audarudy súraghan-mys. Aqmoldaev búl kompaniyalardyng artynda qazir sottalyp jatqan premier-ministrding adamdary túr dep sanaydy.

Aqmoldaev sotta «arab kompaniyasynyn» shotyna aqsha audaru ýshin qaryz alugha mәjbýr bolghanyn jәne ony әli kýnge deyin qaytarmaghanyn mәlimdedi. Aqmoldaevtyng aituynsha, «arab kompaniyasyna» 2 mln dollar audarghan jәne aqshanyng kóp bóligi Ahmetovke arnalghan kórinedi. Qamauda otyrghan Áljan Aqmoldaevtyng ózine milliard tenge jymqyrdy degen aiyp taghylghan, ol múny moyyndamaydy.

Serik Ahmetov Áljan Aqmoldaevty tanymaytynyn jәne onymen kezdespegenin aityp, ózine taghylghan aiyptardy joqqa shyghardy. Ahmetovting advokattary Áljan Aqmoldaevtyng kuәliginde qayshylyqtar bar dep otyr.

Búl dauly is Qaraghandy sotynda ýstimizdegi jyldyng tamyzynan beri qaraluda. Istegi basty adam— Qaraghandy oblysynyng búrynghy әkimi, búrynghy premier-ministr jәne eks-qorghanys  ministri, Serik Ahmetov sonymen birge paraqorlyq boyynsha aiyptaluda. Ol 2014 jyldyng qarashasynan beri  Qaraghandyda ýy qamauynda otyr.

Abay-aqparat