Qapshaghay qalasynda biyl quaty 50 megavatt bolatyn jana kýn elektr stansasynyng qúrylysy bastalady. Búl turaly býgin Almatyda «Nemis investisiyasynyng Qazaqstangha kelui - mýmkindikter men kedergiler» taqyrybynda ótken 17-shi Germaniya ekonomikasynyng kýni barysynda «Samrúq-Energo» AQ departamentining diyrektory Baqtiyar Barbasov mәlim etti. Búl turaly abai.kz portaly QazAqparat-qa silteme jasay otyryp habarlaydy.

«Qapshaghay qalasynda quaty 50 megavatt bolatyn jana kýn elektr stansiyasynyng qúrylysy qolgha alynyp jatyr. Bolashaqta onyng quaty 100 megavatqa jetkizeledi dep kózdelude. Sonyng arqasynda elimizde auagha taralatyn ziyandy qaldyqtar jylyna 116 tonnagha qysqarady. Atalmysh jobany jýzege asyru boyynsha «Samrúq-Energo» AQ «BISOLGroup» (Sloveniya) kompaniyasymen jәne  qazaqstandyq «Astana Solar» JShS strategiyalyq seriktestik ornatu turaly kelisimge qol qoyghan. Qazir eki kompaniyanyng jasaghan panelderi Almaty oblysynda testileuden ótip jatyr. Búl jobanyng maqsaty - Almaty oblysyn elektr energiyasymen qamtamasyz etu jәne kýn elektr stansasyna «jasyl» tehnologiyalardy paydalana otyryp, qorshaghan ortanyng ekologiyasynyng jaqsaruyna kýsh salu», - dedi B. Barbasov.

Ayta ketelik, búghan deyin elimizde túnghysh ret Qapshaghay qalasynda quaty 2 megavattyq kýn elektr stansasy salynyp, ótken jyly 9-shy qazanda paydalanugha berilgen bolatyn. Búl ónirde osynday jobalardyng qolgha alynuy beker emes. Óitkeni, mamandardyng aituynsha, Qapshaghay qalasynda jylyna 300 kýn boyy aua-rayy ashyq bolady eken.

QR Investisiyalar jәne damu ministrligining derekteri boyynsha 2030 jylgha deyin Qazaqstanda óndiriletin elektr energiyasynyng 30 payyzyn balama quat kózderi qúraytyn bolady. Búl kórsetkishti 2050 jylgha qaray 50 payyzgha jetkizu josparlanghan.  

abai.kz