Soltýstik Atlantikalyq Shart Odaghy Kremliding 2014 jyly Qyrymdy basyp alghany sekildi әreketterin qoldaghan «aqparattyq soghysqa» qarsy túratyn bolady.

Búl ýshin jana, quatty baylanys bólimi qúrylady jәne qúpiya mәlimetter jariyalanady.

NATO men Europa odaghy Reseyding televiziya jәne internetti әdeyi teris habar taratugha paydalanu mýmkindigining moldyghyna alandaydy. Osyghan oray, EO Mәskeuding ashyq ýgit-nasihatyna qarsy túru ýshin byltyr arnayy bólim qúrdy.

Osynday úsynystargha sәikes, NATO qauip-qaterding tóngenin rastaytyn qúpiya mәlimetterdi ashyq týrde jariyalauy jәne әleumettik media mýmkindikterin kenirek qoldana bastauy mýmkin. Resey Qyrymgha basyp kirgennen keyin, NATO Ukraina shekarasynda shoghyrlanghan reseylik әskerding suretterin kórsetken edi. Alayda búl suretterdi kommersiyalyq jer serikteri týsirgen әri әskery odaq olardy Qyrymdy tartyp alghanynan bir ay ótken song ghana kórsetti.

Búl jospardy Úlybritaniya jәne ózge de elder maqúldaghanymen, Qúrama Shtattar nasihat retinde qabyldanatyn kez kelgen strategiyadan qauiptenedi.

Resey memlekettik BAQ-qa qyruar qarjy júmsap, sheteldegi jýzdegen jurnalistining aldyna ózi agressiyashyl sanaytyn batystyng nasihatyna әlemdi qarsy qoi mindetin jýktep otyr. Resey sonymen birge qazir internette, Twitter sekildi әleumettik jelilerde de belsendi sayasat jýrgizude.

Abai.kz