1998 jyl. Mәskeu metrosynda, zyrlap bara jatqan poyyz ishinde bir qarttyng jýregi toqtap qaldy. Jetpis bir jastaghy shaldyng basynan baghy tayghan emes edi. Biraq abyr-sabyr qalyng nópir ony tanymady. Jedel jәrdem qyzmetkerleri beybaqtyng mýrdesin mәiithanagha jetkizdi. Ony izdegen eshkim bolmady. Bes kýn ótti. Dәrigerler búl kýnde mýrdeni soyyp, neden ólgenin anyqtap qoyghan. Kelesi kezekte "qanghybas" dep tanylghan mәiit medinstitut studentterining "ermegine" ainaldy. Soyyp, týrli tәjiriybeler jasaldy. Shaldy "qanghybas" retinde tirkep, artynda súrauy joq marqúmdardyng molasyna jerlemek bolghan edi. Songhy sapar aldynda milisiya qyzmetkerining biri әlgi mәiitke bir qarap, Qazaqstan Kompartiyasynyng búrynghy Birinshi hatshysyn tany qoydy. Gennadiy Kolbinning mәiiti tuystaryna osylay tapsyryldy. Jerleu rәsimine jaqyn-júraghattarynan basqa eshkim qatyspady. Ne Kremli, ne Uliyanovtan resmy túlghalar kelmedi. Qazaqstan basshylyghy da arnayy sapartop jibermedi...

Gennadiy Kolbin Uliyanov obkomynan Qazaqstangha kelgende Tólebaev kóshesindegi pәterin 33 myng rublige kýrdeli jóndeuden ótkizdi. Al ol kezde ýsh bólmeli pәterding qúny 10 myng rubli bolatyn. Al ýsh qyzy men zattaryn transporttyq úshaqpen jetkizuge Qazaqstan budjetinen 27 myng 700 rubli júmsaldy. Búl da týk emes. Eki iyti men әielin arnayy úshaqpen 7 myng 700 rubligha әkeldi. 

Kolbin Qonaevtyng júmys kabiynetine alghash ret kirgende - ortada túrghan ýlken globusqa qatty tang qaldy. "Múnshama globus Qonaevqa ne ýshin qajet edi?!" dep jiyn sayyn aitumen boldy. Al Qazaqstan respublikasynyng Uliyanov oblysyn otyz oraytyn, әlemde jer kólemi boyynsha 9-orynda túrghany qaperine de kirmedi.

Shymkentke bir barghan saparynda "Qazaq etti jaqsy kóretin halyq eken. Endi maldyng ishek-qarnyn tazalap, basyn kesip alyp, satylymgha terisimen shygharamyz" dep bósti. "Nege?" degen súraqqa: "Sonda әr qoydyng terisi 1,5-2 keli, al siyrdyng terisi 15-20 keliden tartady. Búl qosymsha salmaq. Sondi biz Qazaqstanda qosymsha 8 myng tonna etting mәselesin sheshemiz. Búl nәrsening respublikamyzgha paydasy qansha ekenin bilesizder me?!" dedi. Keybir aqyldy kisiler terining shiykizat ekenin, ony óndep, halyq tútynatyn basqa da zattar jasalatynyn aityp týsindirmegende - elimizde terisi sypyrylmaghan etting satyluy da mýmkin edi. Kolbin respublikany etpen qamtamasyz etu mәselesine qatty bas qatyrdy. Búrynghy Mao Sze Dun sekildi jyl qústaryn jappay atyp alu turaly da bastama kóterdi. Biraq baqytymyzgha oray ol kýnge jetken joqpyz... 

Qazaq eshkimge it ólim tilemeydi. Abyroysyz ólimdi de aqtap alugha tyrysady. Tipti, bolmady degende ol turaly jaq ashpaydy. Sausaghyn shúqshityp, betine baspaydy. Biraq Kolbinning it ólimi - maghan jazyqsyz japa shekken jastardyng laghyneti sekildi.

Toqtar Jaqash

Facebook-tegi paraqshasynan

Týp-núsqadaghy taqyryp: "IT ÓLIM"