10 jyl búryn júmyssyz Gay Goma Londonnyng batysynda ornalasqan VVS teleortalyghyna IT-mamany retinde әngimelesuge shaqyrylghan bolatyn. Osy kezde arnayy kýtu bólmesinde studiyagha kelip tikeley efirde Apple men Bitlz әuenderin iyedenetin Apple studiyasy arasyndaghy bolyp jatqan sot prosesine qatysty óz oiyn bildiru ýshin internet eksperti Gay Kevny dayyndalyp otyrghan bolatyn. 

 
Sol kezde Gay Kevniydi kýtu bólmesinen shaqyryp keluge tiyisti telestudiya qyzmetkerining qate núsqauymen olar sarapshyny basqa jerden izdey bastaghan eken. Al onyng otyrghan jerin súraghan kisige әkimshilik qyzmetkeri senimdi týrde әri birneshe ret Gay Gomany núsqaghan. Alayda telestudiya qyzmetkeri Gay Kiuniydi fotosuretten kórip, onyng aqqúba әri boyy alasa ekendigin biletin edi. Biraq uaqyttyng tyghyz boluyna baylanysty, ol ózin qatelesken shygharmyn dep oilap, kongolyq jigitti studiyagha tikeley efirge shygharyp salady.

Odan sәl uaqyt búryn ol qonaqtan: «Sizding atynyz shynymen de Gay ma?» dep te súrap alady. Al Goma bolsa oghan: «Dәl solay» dep jauap qatyp, osydan keyin qyzmetker onyng dәl sol qonaq ekenine týpkilikti senedi.
Osylaysha ol Gay Gomany BBC News 24 studiyasyna alyp keledi. Oghan asyqpay, makiyaj jasap, telekamera aldyna otyrghyzyp, mikrofondaryn da bekitip beredi. Birazdan song tikeley efir de bastalyp, janalyqtar jýrgizushisi Karen Bouerman kórermenderge Gomany internet-tehnologiyalar salasyndaghy sarapshy Gay Kevny dep tanystyrghan mezette ghana, Goma ýlken qatelikting oryn alghanyna kózi jetip, biraz uaqyt sózge kele almay qalady. Onyng osy sәttegi týri de kadrda anyq bayqalady. Biraq soghan qaramastan, ol ózining fransuzdyq aksentimen aralasqan aghylshyn tilinde Apple Corps pen Apple Studio arasyndaghy sot isine baylanysty jәne onyng saldary muzykalyq industariyagha qalay әser etetindigi jónindegi ózine qoyylghan súraqtargha shamasy kelgenshe jauap berip, "sarapshy" rólin sәtti oryndap shyghady. 

Eger atalghan viydeoda Gay Gomanyng tanqalysy kórsetilgen kadrdy esepke almaytyn bolsaq, interviuding shynayy bolghanyna Kevniydi jaqyn tanymaytyndardan basqalary esh kýmәn keltirmeytin shyghar. Al Kiuniyding ózi bolsa kýtu bólmesinde otyryp, «ózin» teledidardan kórip, esinen tanyp qala jazdapty.

Ayta ketu kerek, Gay Goma ózining atyshuly interviuinen qyryq minut ótkennen keyin on minutqa sozylghan әngimelesuge shaqyrylyp (negizgi mamandyghy boyynsha), alayda onyng qorytyndysy boyynsha Gay júmysqa qabyldanbaghan kórinedi. Áytse de, Goma osy oqighadan keyin әrtýrli teleshoulardyng («Djonatan Rosspen birge júmanyng keshi», «Prince’s Trust», Channel 4, CNN, BBC World News t.b) júldyzyna ainalyp shygha keldi. Nazarlarynyzgha interviuding viydeo núsqasyn úsynamyz:

Derekkózi: kaznews.mn

Abai.kz