Asa qúrmetti, Amandyq ata! Mening aty-jónim Núrtileu Túrsynghaliyúly. Men Sizge býgin ýlken ótinishpen hat joldap otyrmyn.

Múnday hat jazu, әriyne, men ýshin óte auyr. Dese de, Sizden basqa múnymdy shaghar adamym joq. Siz oblysymyzdyng basshysysyz. Sizding de men sekildi nemereleriniz bar shyghar. Olardyng qalauyn әrdayym oryndaytyn shygharsyz. Men ózimdi Sizding nemerenizbin dep bilemin. Qargha tamyrly qazaqtyng bәri bir-birimen tuys emes pe? 

«Ár bala baqytty bolu ýshin jaralady» deydi ghoy ýlkender. «Men baqytsyzbyn» dey almaymyn. «Baqyttymyn» deuge de auzym barmaydy. El qatarly boludy ghana armandaymyn. Búl mening ghana emes, bauyrlarymnyn, әke-sheshemnin, barlyghy on adamnyng ýshbu haty dep qabyldaghaysyz.

Aldymen Sizdi ózimning otbasymmen tanystyrayyn.

Mine, mynau mening otbasym. Almaty oblysy, Talghar audany, Kendala auylynda bireuding qabyrghasy kógergen, syz ýiin jalgha alyp kýneltip jatyrmyz.

Myna jigitting aty – Baqytjan Túrsynghaliyúly. Toghyzynshy synyp oqushysy. Mening eng ýlken agham. Bolashaqta Orazaly Dosbosynov sekildi aitysker aqyn boludy armandaydy.

Búl – ekinshi agham. Aty – Bauyrjan Túrsynghaliyúly. Jetinshi synypta oqidy. Bauyrjan Momyshúly sekildi batyr bolsyn dep, әke-sheshem atyn Bauyrjan dep qoyghan. Ýsh aidan beri boks ýiirmesine qatysyp jýr. Juyrda Esik qalasynda ótken jarysta ýshinshi oryn aldy. Bolashaqta Qanat Islәm sekildi әlemdi moyyndatqan bylghary qolghap sheberi atanghysy keledi.

Ýshinshi agham Qaysar Túrsynghaliyúly tórtinshi synyptyng oqushysy. Bizding ýidegi sabaqty óte jaqsy oqityn bala – osy Qaysar. Oqymysty. «Sabaqqa dayyndalatyn keng bólmem bolsa ghoy» dep qiyaldaydy. Sabaq ýlgerimi – óte jaqsy. «Ghalym bolamyn» deydi.  

Keyde suretshi bolghysy kelip, mynanday suretter salady. Mynau «Óz ýiimiz bolsa ghoy» degen sureti.

Tórtinshi agham Miras Túrsynghaliyúly «dәriger bolam» deydi. Qazir ekinshi synypta oqyp jýr. Túryp jatqan ýiimiz syz bolghandyqtan jii auyramyz. Áke-sheshem onday kezde emhananyng tabaldyryghyn tozdyrady. Miras sol ýshin de dәriger bolghysy keledi. Keyde «Dәriger bolyp, balalardy emdep, kóp aqsha tabamyn. Sosyn bay bolyp, biz sekildi ýii joq adamdargha mynanday ýy salyp beremin» deydi.  

Besinshi aghamnyng aty – Damir Túrsynghaliyúly. Jasy altyda. Áli mektepke barghan joq. Qúday qalasa, keler oqu jylynda birinshi synypqa barady. Ol meninshe, aspaz bolady. Anama qolqabys jasap, ylghy da as bólmede jýredi. Mine, ol taghy da bizding as bólmede jýr.

Altynshy aghamnyng esimi – Duman Túrsynghaliyúly. Jasy beste. Aghalarymnyng ishindegi eng búzyghy osy. Myna mәshiynege minip alyp, bizge bir tynym bermeydi. Týbi myqty shopyr bolatyn shyghar. Ýiimizde oinaytyn jer tar bolghandyqtan keyde ayaghymdy, keyde qolymdy basyp ketip, meni jylatyp qoyady.

Jetinshi aghamnyng aty Dinmúhammed Túrsynghaliyúly. «Dinmúhammed Qonaev sekildi el basqarady» deydi әkem. Kim bilsin, ol kýnge de jetermiz.

Endi men jayly.

Meni qoya túralyq. Amandyq ata, Siz aldymen mening әke-sheshemmen tanysyp alynyz.

Anam Gýlmira segiz úlgha jaryq dýnie syilaghan – batyr ana! Qazaqtyng sanyn kóbeytuge qomaqty ýles qosqan «Altyn alqa» iyegeri.

Mynau mening әkem – Túrsynghaly Qabaqov. Bizdi eshkimnen kem qylmay ósirip jatqan – batyr әke.

Ákemning qolynda otyrghan – menmin! Atym – Núrtileu. Qúday búiyrtsa, Núrtileu Imanghaliyúly sekildi myqty jurnalist bolamyn. Biraq, oghan deyin qayda? Qazir jasym әli birge tolghan joq.

Amandyq ata, Siz bizding otbasymen tolyq tanystynyz. Biz eshkimge alaqan jaymaytyn, alaqan jaydy namys dep biletin otbasy edik. Ákem men sheshem óz kýshimen ýy salyp alu ýshin neshe ret Talghar audanyna baryp, jer súrady.

Dәlel mine! Biz jer kezeginde 1036 adam bolyp túrmyz. Búl kezekting jyljityn týri joq.

Jer kezegi kelmegen son, sheshem kóp balaly ana retinde jalgha beriletin túrghyn ýy kezegine jazyldy. Ony aludyng da uaqyty әzir keletin týri bayqalmaydy.

Endi mine, qabyrghasy kókergen, edeni syz bir ýidi otbasymyzben jalgha alyp kýn kórip jatyrmyz. Búghan deyin biz birneshe pәterdi jaldap túrdyq. Kóshe-kóshe sharshadyq, ata! Biz sekildi kóp balasy bar otbasygha eshkim ýiin jalgha bergisi kelmeydi. Áytpese, myna ýide bir kýn túrmay kóship keter edik.

 Amandyq ata! Aqyr bastadym, bәrin aitayyn. Bizding otbasylyq budjetimiz 65 myng tenge. Anam «Altyn alqasy» ýshin aiyna 13 575 tenge alady. Mening bir jasqa deyingi jórgekpúlym 18 800 tenge (búl jaqynda toqtaydy). Ár ýsh ay cayyn jәrdemaqy retinde 17 800 tengeni memleket beredi.

Ákemning ailyghy búryn 49 myng tenge edi. Qazir daghdarys dep jalaqysy qysqaryp qaldy. Qolyna alatyn aqshasy – 35 myn.

Endi óziniz eseptenizshi. Osy 65 mynnyng 15 myny pәteraqygha, 5 myny su men jaryqqa ketedi. Sonda, on adam 40 mynmen ómir sýrip jatyrmyz degen sóz.

Qúrmetti Amandyq ata! Mening osy hatymdy oqysanyz bizge kómek kórsetinizshi. Ótinemin! Sizdi isker, qayyrymdy basshy dep bilemin. Núrtileu Imanghaliyúly aitpaqshy biz de «bay quatty bolayyq»!

Sәlemnen - men (surettegi) Núrtileu Túrsynghaliyúly!

Abai.kz