Qazaq-Britan tehnikalyq uniyversiytetining rektory Eskendir Beysembetov Almaty әkimi Bauyrjan Baybekting qymbat kólik minetin studentter jayly pikirine qatysty oiyn aitty, – dep habarlaydyTengrinews.kz tilshisi. Onyng pikirinshe, jastar ýshin qymbat kólik basty ústanym bolmauy kerek.

“Men ýshin eng bastysy, studentterimizding óz intellekti men ishki әlemi molshylyq atributtarymen salystyrghanda manyzdy, ainalamyzda kómekke múqtajdar kóp, týlekterimizding maqsaty – óz aqylymen jәne bilimimen ózining ghana emes, ózgelerding de jaghdayyn qamtamasyz etu”, – dedi QazÚTZU men QBTU rektory Eskendir Beysembetov.

Al uniyversiytet qyzmetkerleri QBTU manyndaghy barlyq qymbat kólik studentterdiki emes deydi. Olardyng mәlimetinshe, ainalada iri qarjy mekemeleri men әkimshilik ghimarattar bar, olardyng qyzmetkerleri men kelushileri joghary oqu ornynyng manyna kólik qoyady. Sonymen qatar, mәlimetterinshe, keshki uaqyttarda Almatynyng jastary keledi eken.

Eske salayyq, keshe Bauyrjan Baybek halyqqa esep beru kezdesuinde QBTU ghimaratynyng aldyna kólikterin qoyyp ketetin studentter jayly pikir bildirgen bolatyn. Onyng aituynsha, dat sәuletshisi Yan Geylding konsepsiyasyna sәikes, oqu ghimaratynyng aldyndaghy kólikterdi alyp tastaydy eken.

“QBTU aldynda myndaghan kólik túr. Balamen de, balaarbamen de ótu mýmkin emes. Nelikten búdan qarapayym adamdar zardap shegui kerek? Múnda da studentter, búl solardyng kólikteri. Qymbat kóliktermen jýredi. Alyp tastau kerek! Velosiypedpen nemese jayau jýrsin. Keyin soghan aqsha tauyp, satyp alsyn. Múnda jayaulardyng jýruine jaghday jasau kerek. Yan Geylding qúrylymdauy boyynsha. Biz osy ispen ainalysamyz”, – dedi Bauyrjan Baybek halyqqa esep beru kezdesuinde.

Abay-aqparat