Sheshen Respublikasynyng Preziydenti Ramzan Qadyrov QR Preziydenti Núrsúltan Nazarbaevqa jәne barsha Qazaqstan halqyna Almatydaghy qandy oqighagha baylanysty kónil aitty, - dep habarlaydy Qazaqparat.

«Biz Almatyda polisiya qyzmetkerleri men beybit túrghyndardyng ómirin qighan lankestik oqighagha alandaushylyq tanytamyz. Búdan búryn lankester Aqtóbede qaru-jaraqty qolgha týsiruge әrekettengen edi. Olardyng әreketi әldeneshe adamnyng ómirin qighan bolatyn. Men asa qúrmetti QR Preziydenti Núrsúltan Nazarbaevqa qayghyra kónil aitamyn. Biz qiyn jaghdayda jatqan Sheshen Respublikasyna sheteldik memleket basshylarynyng arasynan birinshi bolyp Núrsúltan Nazarbaev qol úshyn bergenin úmytqan joqpyz. Qazaqstan Preziydenti salyp bergen túrghyn ýy Sheshenstan astanasy ortalyghynyng shyrayyn ashyp túr. Riza bolghan sheshen halqy ortalyq kóshelerding birine jәne bir mektepke Núrsúltan Nazarbaev esimin berdi. Qazaqtar biz ýshin tughan aghamyz sekildi, al Qazaqstan tútas bir buyn sheshen azamattary ýshin ekinshi Otangha ainalghan. Búl elde mening qadirmendi әkem, ShR Túnghysh Preziydenti, Resey batyry Ahmat-Qajy Qadyrov dýniyege kelgen. Búl elde maghan jaqyn adamdar jerlengen, onyng ishinde mening atamnyng aghasy da bar», - dep jazdy Ramzan Qadyrov Instagram-daghy paraqshasynda.

Sheshen Respublikasynyng Preziydenti týrli teraktilerdi bastan keshken sheshen halqy múnyng qanday ýlken qayghy ekenin tereng sezinetinin jetkizdi. Sóz sonynda Ramzan Qadyrov bauyrlas qazaq halqyna lankestikpen kýreste kez kelgen kómekti jasaugha әzir ekenin aitty. Sonday-aq, bauyrlas Qazaqstan eline beybitshilik, túraqtylyq jәne memleketting gýldene beruin tiledi.

Abai.kz