Amerika týrmesinde otyrghan qazaq studenti  elge oraldy. AQSh-ta lankestik oqighagha qatysty aiyptalyp, 3,5  jylgha bas bostandyghynan aiyrylghan Azamat Tәjiyaqov jazasyn tolyq ótep shyqty. Búl turaly «KTK arnasy» habarlaydy.

Jat jerde jazyqty bolyp, týrmege toghytylghan úldaryn qarsy alugha ata-anasy men tuystary tayly-tayaghy qalmay týgel kelipti. 2013 jyldan beri AQSh-ta qamauda bolghan Azamat Tәjiayaqov Almaty әuejayyna kelgen.

«Qazir jýregim toqtap qalarday bolyp túr. Qatty soghyp jatyr. Quanyshymda shek joq. Kelip kýtip alghandarynyzgha rahmet. Ákeme qonyrau shalyp jaghdayymdy bilip túrghandarynyzgha rahmet. 3,5 jyl boldy Qazaqstanda bolmaghanyma. Et jep demalyp, qymyz iship jatqym keledi», - deydi Azamat Tәjiyaqov.

AQSh-qa bilim alamyn dep baryp, basy bәlege qalghan úlymen qayta qauyshqan ata-ananyng da quanyshynda shek joq. Ámir Ysmaghúlov ta balasynyng tileuin tilegen barsha halyqqa alghys aityp, aghynan jaryldy.

«Bizding otbasy ýshin býgin eng baqytty kýn. Men preziydent Núrsúltan Nazarbaevqa ýlken rahmet aitqym keledi. Óitkeni balalar 25 jyl aluy mýmkin edi. Sodan keyin Bas prokuraturagha, Syrtqy ister ministrligine rahmet aitqym keledi jәne qazaq halqyna raqmetimdi aitamyn», - deydi  Azamattyng әkesi Ámir Ysmaghúlov.

Esterinizde bolsa, 2013-jyldyng sәuirinde Bostondaghy marafon kezinde jarylys bolyp, 4 adam qaza tapqan. Lankestik әreketti úiymdastyrghan aghayyndy Sarnaevtardyng ýlkeni Temirlan qúryqtau sharasy kezinde ólse, Johar Sarnaevti AQSh soty ólim jazasyna kesken bolatyn. Búl ekeuine kómektesti degen kýdikke eki qazaqstandyq student ilinip, Azamat Tәjiyaqov pen Dias Qadyrbav jazagha tartylghan bolatyn.

Qazir Amerika týrmesinde taghy bir otandasymyz jazasyn ótep jatyr. Dias Qadyrbaev ta Bostondaghy oqighagha qatysty terrorizm baby boyynsha aiyptalyp, 6 jylgha bas bostandyghynan aiyrylghan. 

Núrzat Toghjan

Abai.kz