Oraldyq bard әnshi, últaralyq arazdyq tughyzdy dep aiyptalyp jatqan Janat Esentaev keshirim súrady. Ol tergeu organdary men qogham mýshelerine ózining isine shyn ókinetinin aityp, hat joldap otyr. Búl turaly Abay-aqparat habarlaydy.

Hatta Janat Esentaev óz shygharmashylyghyna әr qashan Otangha degen sýiispenshilikti, erkindek pen halyqqa degen mahabbatty arqau etkenin, eshqanday jappay tәrtipsizdikter men zang búzushylyqtar turaly oilamaghanyn aitady.

«Men eshqashan Qazaqstanymyzda soghys pen kýireu bolghanyn tilemedim. Qazaqtar eng beybitshilik sýigish halyq bolghan, bolyp otyr, bola da bermek. Biz barlyghymyz beybitshilik pen kelisimde ómir sýruimiz kerek», - degen ol Qazaqstanda qanday da bir kýrdeli jaghday bola qalsa ózining eshqanday arandatushylargha ermeytinin aitady. Sonday-aq ol, óz sózderi bireulerding últtyq sezimine núqsan keltirse, keshirim súraytynyn aitady.

«Osy hatpen men qoghamgha, tergeu organdaryna ózimning orystardy qorlau turaly aram oiym bolmaghanyn jetkizgim keledi. Eger mening sózderim bireulerding namysyna tiyse, shyn kónilimmen keshirim súraymyn», - deydi bard-әnshi.

Abay-aqparat