Qymbatty otandastar!

Ótken jeksenbide Aqtóbe qalasynda dinning atyn jamylghan bir top terrorist elding tynyshtyghyn búzdy. Ol turaly barshanyz bilesizder. Biraq, músylman qauymy ýshin qasiyetti Ramazan aiy bastalar sәtte qandy qylmys jasaghandardyng aram niyetteri iske asqan joq. Qúqyq qorghau jәne qauipsizdik qyzmetterining qyzmetkerleri ýlken qaterding betin qaytardy. Terroristerding kópshiligining kózderi joyyldy, birqatary qolgha týsti, qalghandaryn tiyisti organdar izdep tauyp, olar zannyng eng qatang talaptarymen jazagha tartylatyn bolady. Qazir halyqtyng alandauyna eshbir negiz joq, jaghday tolyq baqylaugha alyndy.

Men qaytys bolghandardyng otbasylaryna, tuys-tughandaryna shyn jýregimmen kónil aitamyn. Qaza tapqan әskery qyzmetkerler otan aldyndaghy antyna adal bolyp, el qauipsizdigi jolynda óshpes erlik kórsetti. Olardyng erlikteri memleket tarapynan layyqty baghalanatyn bolady. Onyng ýstine 4 azamat qaytys boldy, bәri Aqtóbening túrghyndary. Sondyqtan, men ertengi beysenbi, 9 mausym kýnin Jalpyúlttyq aza tútu kýni dep jariyalaymyn. Qaza bolghandardyng artynda otbasy, bala-shaghalary qaldy. Mening tapsyrmam boyynsha, olargha barlyq qajetti kómekter jasaluda.

Tәuelsizdikti jariyalau bar, al ony qorghap, nyghaytu jәne damytu odan da jauapty is. El birligi, ishki tynyshtyq sol ýshin kerek. Men múny ylghy aityp kelemin. El ishine býlik saludyn, «týsti revolusiyalardyn» talayyn basqa elderden kórip, bilip otyrmyz. Ol lankestik әreketterden, kóshege shyghyp shulaudan bastalady. Odan konstitusiyagha qarsy shyghady da, ayaghynda memleket kýirep, halyq ash-jalanash qalady. Múnyng bәrin biz kórip, bilip, bayqap otyrmyz.  

Birinshiden, biz kez-kelgen sipattaghy ekstremizm men terrorizmge qarsy zandardy qayta qarap, búl qúbylysqa qatang toytarys beru jayyn oilastyruymyz kerek. Qolyna qaru alyp, kisi óltirgen adam ólim jazasyna kesilui qajet. Ekinshiden, eldigimizge syna qaghatyn zúlymdyqtardyng ymyrasyz jolyn kesuimiz qajet. El tynyshtyghyn saqtamasaq mynaday әlemdik daghdarystan óte almaymyz. Sondyqtan barsha halyq bolyp birigip, eldi saqtaudy oilauymyz kerek.

Abai.kz