Aqtóbe oblysy әkimdigi altynmen aptalghan kreslogha tapsyrys bergen, - dep habarlaydy Tengrinews.kz tilshisi. Múnday lot Qazaqstannyng memlekettik satyp alular saytynda payda bolghan.

Aqtóbe oblysy әkimining Is basqarmasynyng jetekshisine arnalghan bir kreslonyng qúny - 630 myng tenge. Lottyng sipattamasyna qaraghanda, kreslo búzau terisinen jasaluy tiyis әri sapaly boluy kerek, al shetteri jezben әspettelui tiyis eken. Sonymen qatar, әkimdik kreslonyng ong-órnegi bolghanyn, altyn jalatylghan jezden jasalghanyn qalaydy.

Jetekshi lauazymdaghy qyzmetkerlermen qatar, qonaqtargha arnalghan taghy eki kreslogha tapsyrys berilgen, olardyng әrqaysysynyng baghasy 560 myng tenge dep kórsetilgen.  

Al Aqtóbe әkimdigindegiler múnday baghaly lottardyng jaghdayyn týsindirip berdi. Memorgannyng zangeri Baqytbek Ahmetjanovtyng aituynsha, tapsyrysty saytqa ornalastyrghan maman tauar qúnyn ózgertudi úmytyp ketken.   

"Biz býgin búl lotty alyp tastaymyz. Qyzmetker kreslolardyng sanyn qarajattyng joqtyghyna baylanysty azaytqan, biraq baghasyn ózgertudi úmytypty (...) Bastapqyda biz qonaqtargha arnalghan 10 kreslogha tapsyrys bergimiz keldi (1,1 million tengege - Avt.) jәne jetekshilerge arnalghan alty kreslo alghymyz keldi (630 myng tenge - Avt.), biraq olardyng sanyn ýsheuge qysqarttyq. Bireui oblys әkimining Is basqarmasynyng jetekshisi Ádil Seysenbaevqa jәne taghy ekeui qonaqtargha arnalghan. Biz qazir múny týzep jatyrmyz, tapsyrysty alyp tastaymyz, memlekettik satyp alular saytynan búl mәlimet óshiriledi. Al altynmen aptalghan elementterine kelsek, múnda altyn týstes degendi aitqysy kelgen, altyn týstes metall qara fonda jәne qayystan jasalghan boluy kerek, - deydi zanger Baqytbek Ahmetjanov. - Jetkizip berushiler telefon soghyp, týsin, ólshemin bilip jatyr, lot 3 qazangha deyin jariyalanghan. Biraq biz ony alyp tastap jatyrmyz".

Abai.kz