Elimizding naryghynda erkin qyzmet etip jýrgen  birsypyra bank memlekettik tilge jýrdim-bardym qaraytyny osyghan deyin talay ret aityldy, jazyldy. Til janashyrlary sauatsyz bankterdi sotqa da sýiredi. Dese de bankterding qazaq tilin qorlau prosessi әli kýnge toqtamay túr. Jaqynda «kaz.365info.kz»  Qazaqstan naryghynda qyzmet  kórsetushi «Centercredit»  bankining tútynushy týbirtegindegi qazaq tilining sala qúlash hәlde ekenin aityp, bankting memleketting ana tiline degen qúrmetsizdigi ashyq jazdy.

Atalghan bankting tútynushy týbirteginde «Chekti saqtanyz!» degen sóz qazaq tilinde – «Chekti siktinyz!» dep jazylghan.

Sonday-aq, atalghan týbirtekte «kýni» degen sóz – «kýshi» dep kórsetilgen. Sonymen, «Centercredit-tin» tilin tәpsirlep kóreyik. «uaqyty» - «uiqyty», «Almaty» - «Ilimity», «kishy shómishi», «ilugha sholitysh kishijiyt», «kishjy shilishsy» - búl әripter tizbeginen deni dúrys sóz qúrau mýmkin bolmady.

Al «Ótinemiz, chekti saqtanyz!» degenning ornyna – «Ótishemiz chekti siktinyz!» dep jazylghan. Al 14 sózding týiinin «raqmet» deuding ornyna – «shihmet!» dep týiindegen. Atalghan bankting tútynushy týbirteginde nobayy qazaq tilinde jazylghan 14 sózding 13-i qate bolyp shyqty. Tipti týbirtektegi tildi – qazaq tili dep aitugha auyz barmaydy.

Memlekettik tildi múnsha qorlaghan bankting bassyzdyghy shekten shyqqany ras.

«kaz.365info.kz»  portalynyng jariyalap otyrghan týbirtegi keshe ghana shygharylghan. Atalghan týbirtekting uaqyty degen túsynda 24.08.2016 dep jazylghan.

Ayta keteyik, rasynda kólbendegen kóp jarnamanyng ishinde dәl osy bankting bannerinde – «bank dәstýrli qúndylyqtardy qasterleydi» dep jazylypty.

Sonda dәstýrli qúndylyqtardyng sanatyna memlekettik til kirmeytin bolghany ma?

Esterinizge sala keteyik, osyghan deyin el naryghynda erkin qyzmet etip jýrgen birqatar bankterde dәl osynday jaghdaylar oryn alghan. Onda qazaq tildi qaripterding ornyna latyn tanbalary men kirillisa jazuy engizilgendikten, qazaq tilindegi keybir sózder týsiniksiz tanbalanghan. Til janashyry Ruza Beysenbaytegi memlekettik tildi múqatyp, әli jetkenshe әjualaghan «Sesna bankti» sotqa bergen. Al bloger Ansaghan Mústafanyng esim soyyn sauatsyz jazghan «Kazkommersbank» júrttan keshirim súrap, olqylyqty týzetuge uәde bergen edi.

(suret "Azattyq radiosy" saytynan alyndy)

Aytpaqshy, dәl osy «Centercredit-tin» tútynushy týbirtegindegi tilge degen qúrmetsizdik әm óreskel qatelikter turaly  birneshe ret BAQ-ta aityldy, jazyldy. Alayda búghan bylq etpegen bank basshylyghy memlekettik tildi múqatuyn tyyar emes.

Osy mәselege qatysty biz «Sentercredit» bankine habarlasyp edik, onda súrau tek jazbasha jiberiletinin jәne belgili uaqyttan song jauap beriletinin aitty.

Al әleumettik jeli qoldanushylary qazaq tilin qorlaghan "Sentrkreditti" sotqa beru kerektigin aituda.

Núrgeldi Ábdighaniyúly

Abai.kz