Tayauda "Bolashaghy jarqyn - Ontýstik jastary" forumyna qatysushy 150-den astam jas Shymkenttegi «Ontýstik» arnayy ekonomikalyq aimaghynda bolyp, ondaghy kәsiporyndardyng júmysymen tanysty. Belsendi jastar egemendik alghan jyldardan beri shygharylyp jatqan otandyq ónimderdi kórip, sapasyn bayqady. 

Eng aldymen, olar aimaqtaghy «Bal Tekstili» kilem fabrikasynda boldy. Ázirge, Qazaqstanda tendesi joq seriktestik óz júmysyn 2013 jyly «Industriyalandyru kartasy» baghdarlamasy ayasynda bastaghan. Búl óndiris orny tek kilem toqumen ghana emes, «BCF», «Heat-Set», «Frize» markaly polipropiylen jipterin iyirumen de ainalysuda. «Bal Tekstilidin» kilem jәne kilem ónimderin shygharu quattylyghy – jylyna 5 mln. sharshy metrden astam. Al polipropiylen jibin iyiru quattylyghy – jylyna 4000 tonnany qúraydy. Býginde múnda 245 adam júmyspen qamtylghan.

Býgingi tanda arnayy ekonomikalyq aimaqta 10 joba júmys istep túrsa, óndiris oryndarymen tanysqan jastargha búl ónerkәsip oryndary da keninen tanystyryldy. Yaghni, «Ontýstikte» kilemdermen birge, shúlyq toqylyp, maqtadan iyirilgen jipter dayyndalatyny, qaghaz shygharylyp, qoraptar әzirlenetini aityldy. 

Ózimizde óndiriletin ónimderge kuә bolghan belsendiler ónirdegi osynday kәsiporyndarda júmys istep, aimaqtaghy barlyq salanyng damuyna atsalysqysy keletinderin jetkizdi. Búl rette, úiymdastyrushylar tarapynan aldaghy uaqytta oblystaghy ózge de ónerkәsip oryndaryna, onyng ishinde, audan, qalalardaghy industrialdy aimaqtargha osynday issapar úiymdastyrylatyny belgili boldy. 

Eske salayyq, seysenbi kýni oblys әkimi J.Týimebaevtyng qatysuymen "Bolashaghy jarqyn - Ontýstik jastary" oblystyq forumy ótken bolatyn. Onda aimaq basshysy elimizding erteni – jastarymyzgha ónirimizde óndiriletin otandyq tauarlardy kórip, tanystyru turaly tapsyrma bergen bolatyn. 

Abai.kz