Elbasy Japoniyagha sapary barysynda Goy beybitshilik qorynyng 2016 jylghy «Yadrolyq qarusyzdanu jәne ony taratpau isine qosqan eleuli ýlesi ýshin» beybitshilik mәdeniyeti arnauly syilyghymen marapattau rәsimine qatysty dep habarlaydy aqorda.kz sayty.

Memleket basshysy saltanatty sharada biylghy Beybitshilik mәdeniyeti arnauly syilyghynyng ózine tabys etilui Semey poligonyndaghy yadrolyq synaq zúlmatyn basynan ótkergen Qazaqstan halqymen niyettestikting kórinisi ekenin atap ótti.

Qazaqstan Preziydenti poligonnyng jabylghan kýnining asa manyzdy beles ekenin, óitkeni dәl sol kezden bastap bizding el yadrolyq qarudan ada әlem qalyptastyru jolyna bet búrghanyn atap ótti.

– Hirosimagha tastalghan atom bombasynyng eki jarym mynymen tenesetin 500-ge juyq jarylys yadrolyq qaterge degen bizding kózqarasymyzdy týbegeyli ózgertti. Sondyqtan da biz yadrolyq poligondy japqan birinshi el boldyq, quaty jóninen tórtinshi oryn alatyn yadrolyq arsenaldan bas tarttyq, sonday-aq Ortalyq Aziyada yadrosyz aimaq qalyptastyrdyq, – dedi Núrsúltan Nazarbaev.

Memleket basshysy kelesi jyly Qazaqstan óz tarihynda túnghysh ret BÚÚ Qauipsizdik kenesining 2017-2018 jyldardaghy túraqty emes mýshesi retindegi jauapty missiyasyna kirisetinin aitty.

– Búl – halyqaralyq qoghamdastyq tarapynan bizge kórsetilgen zor senim. Taratpau mәselelerimen qatar, biz Japoniyamen jәne basqa da әriptesterimizben birge azyq-týlik, su jәne energetika qauipsizdigi mәselelerin sheshuge de atsalyspaqpyz, – dedi Qazaqstan Preziydenti.

Núrsúltan Nazarbaev XXI ghasyrda adamzattyng yadrolyq qaterden ada әlemge layyqty jol taba alatynyna senetinin jetkizdi.

– Syndarly újymdyq is-qimyldy qolgha alghan әlemdik qoghamdastyqtyng erik-jigeri men parasaty jer sharynyng yadrolyq apat qúrdymyna ketuine jol bermeydi dep senemin. Biz Hirosima men Nagasakiydegi, sonday-aq Semeydegi, Marshal araldaryndaghy jәne basqa jerlerdegi qasiretter turaly úmytpaugha tiyispiz. Álemdi yadrolyq apat qaterinen qútqaru ýshin talmay kýres jýrgizuge shaqyramyn, – dedi Memleket basshysy.

Goy qorynyng Beybitshilik mәdeniyeti arnauly syilyghy beybitshilik mәdeniyetin taratugha jәne ony ilgeriletuge qosqan meylinshe manyzdy ýlesi ýshin jekelegen túlghalar men úiymdargha beriledi.

Abai.kz