Qoynauy tariyhqa túnghan kiyeli Otyrar audanynda Ózbekәli Jәnibekovtyng 85 jyldyghyna arnalghan konferensiya jergilikti muzeymen tanysudan bastaldy. Ruhaniyat-Ábu Nәsir әl-Faraby muzeyinde qazaqtyng mandayyna bitken etnograf-tarihshy Ózbekәlige arnalghan ekspozisiya jasaqtalghan.

Ózbekәli Jәnibekovtyng taqiyasy, kózildirigi, shapany, bas kiyimderi, kitaptary men otbasy paydalanghan ydys-ayaqtary múrajaydyng qúndy jәdigerine ainalghan. Tipti óz qolymen múrajaygha ótkizgen keste  de bar.

1886 jyly Áziza atty qyzgha arnalghan shymyldyqty kesteni býginde tigin mashinasy tige almaydy. Sonday-aq, etnograf-tarihshynyng alaqan taby tiygen kebeje de asa baghaly jәdiger retinde múrajay tórinen oryn alghan.

«Qalyng qazaqtyng Ózbekәlisi» taqyrybyndaghy aimaqtyq ghylymiy-tәjiriybelik konferensiyanyng negizgi bólimi audandyq mәdeniyet sarayynda jalghasty. Múnda ghalymnyng “Qazaqtyng últtyq qol óneri” kitabynan bastap “Ejelgi Otyrar” enbegine deyingi barlyq zertteuleri kelushilerge tanystyryldy.

Áke-shesheden erte airylyp, taghdyr tauqymetin bala kýninen tartqan Ózbekәli Jәnibekov — qazaq halqynyng últtyq mәdeniyetin, ana tili men salt-dәstýrin janghyrtqan jan. «Qazaqtyng dәstýrli mәdeniyeti – qúryp bara jatqan faktorgha jatatyn qúbylys» dep baghasyn berip, osyny saqtaugha jantalasyp, tarihymyz ben dәstýrimiz ýshin qúndy dýniyeler qaldyrghan túlgha. Osy ýshin de sonau KSRO zamanynda Qazaqstannyng qalalarynan etnografiyalyq múrajaylar ashyp, tarihy eskertkishterin saqtap qaldy.

Otyrar audanynda Ózbekәli Jәnibekov atyndaghy № 4 orta liysey-internaty bar. Bilim ordasynyng oqushylary Ózbekәlining kitabyn jata-jastana oqidy. Ahmet Yassauy kesenesin qalpyna keltiruge, Tayqazandy sonau Ermitaj muzeyinen elge alyp keluge tikeley qatysqan kisi dep tanidy.

«Men — órtenip ketken teatrdyng rejisserimin». Búl sózdi aitqan da Ózbekәli Jәnibekov. Qazaqtyng ólip bara jatqan últtyq salt-sanasyn, dәstýrin ruhany janghyrtushy.

67 jasynda dýniyeden ozghan etnograf, óz ótinishimen Arystanbab әulie kesenesining manyna jerlendi. Býginde atalmysh orynda Ózbekәli Jәnibekovtyng kesenesi salynghan. Tarihynan ajyramaghan júrt osy kesenege kelip, qúran baghyshtap, ghalym әruaghyna tәu etedi.

Abai.kz