Jer qoynauyndaghy tabighy baylyqty tiyimdi paydalanu býginde jahandyq manyzy bar mәselege ainalyp otyr. Biyl Ontýstikte «jasyl» ekonomikany endiru jóninde jobalar qolgha alyndy. Onyng ayasynda óndiristik qaldyqtar qayta óndeldi. Qoqys tastaytyn poligony tapshy ónirde ekologiyagha ziyandy qaldyqtar qalay joyymaq?

Ontýstikqazaqstandyq ekologtardyng sózinshe, «jasyl» ekonomikagha kóshu bizding oblysty ghana emes, memleketimizdi ekologiyalyq toqyraudan saqtaydy.

«Biz «jasyl» ekonomika boyynsha ýlken saualdar kóterip jatyrmyz qazir. Ónim qaldyqtaryn óndiristik siklge qaytaru 115 myng tonnagha deyin jetken. Búl ekonomika ýshin halyqaralyq standartqa say tehnika qajet. Aytpaqshy, «Ordabasy qústyn» úsynysymen biz qústar men maldardyng nәjisin de qajetke jaratuymyzgha bolady. Búl jóninde arnayy komissiyada da aityldy. Jәne «Shymkent sement», «Sastóbe — Shymkent» mekemeleri de jana baghyt boyynsha júmys istemek, yaghni, qaldyqtardy qayta óndeudi qolgha almaq», - deydi OQO ekologiya departamentining mamandary.

Al onday tehnika әzirge elimizde sanauly ghana. Eger jana talap tolyqtay engizilse, ónirdegi óndiris oryndary eski әdis boyynsha júmys jasay almaydy. Múny jergilikti kәsipkerlerding ózi moyyndap otyr. Al birneshe kәsiporyndar qazirding ózinde ónim qaldyqtaryn qayta óndeu ýshin jana jobalardy qolgha aldy.

Býginde tabighy qordy saqtau men ony paydagha jaratu — uaqyt talaby. Damyghan elderding ózi osynday jana tehnologiya men jana baghyttar boyynsha júmys jasap jýr. Búl — qazaqstandyq óndiristerding «jasyl» ekonomikany jedel jýzege asyruy kerek ekenin bayqatady.

Abay-aqparat