Ontýstik Qazaqstan oblysynyng әkimi Janseyit Týimebaevtyng audan, qalalardy aralau saparynyng kezektisi Otyrar audany boldy. Júmysshy top onda da birqatar әleumettik, kәsipkerlik jәne turistik nysandardy aralap, júmysymen tanysty.

Múndaghy birinshi nysan Temir auyl okrugindegi «Agro-Aziya» JShS-nyng jýgeri óndeu, qúrama jem shygharu kәsiporynynyng iske qosu saltanatty rәsimine qatysudan bastaldy.

«Tәuelsizdikting 25 jyldyghyna oray, búl keshenning ashyluy audanda jýgeri klasterin damytugha negiz bolmaq. Sebebi, búryndary dihandar jinaghan ónimderin útymdy baghagha sata almay, jauyn astynda qalyp, keptire almay, ala jazday etken enbegi zaya ketetin. Endi sharualargha ónimderin ysyrapsyz jinap aluyna jәne tiyimdi baghagha ótkizu mýmkindik tuyp túr. Kóptegen sharualardyng kelesi jyly egis kólemin úlghaytuyna mýmkindik bar», - dedi J.Qanseyitúly qúttyqtau sózinde.

Paydalanugha berilgen keshenning jalpy joba qúny 619 mln tengeni qúraydy. 5 ga jerdi alyp jatqan kәsiporynda 16 adam túraqty júmyspen qamtylghan. Syiymdylyghy 10 myng tonnalyq keshende bolashaqta 17 týrli ónim shygharyp, Iran, Qytay elderine eksporttalatyn bolady.

Múnan son, olar Arystan bab kesenesinde bolyp, turistik manyzdy nysandar – Otyrar tóbe men Arystan babtyng manyn abattandyru jobalarymen tanysty. Atap aitqanda, audan basshysy E.Aytahanov kelesi jyldyng budjetine kesenening kire beris qaqpasy men Týrkistan-Shәuildir baghytyndaghy joldyng aralyghyn jónge kelitirip, ziyarat jasaushylar men turisterge ynghayly orta qúru júmystarynyng kirgiziletinin jetkizdi. Sonday-aq, Otyrar tóbe many men qalashyqty Arystan babpen qosatyn úzyndyghy 1,7 shaqyrym bolatyn joldy abattandyru júmystaryna kónil bólinbek. Atalghan jobalargha qanyq bolghan oblys әkimi iygi isting jobasyn taghy bir pysyqtap, oblystaghy bilikti mamandardan kenes aludy tapsyrdy.

Egenmendikting shiyrek ghasyrlyq toyynda Qogham auyl okrugi Mynshúqyr eldi mekeninen paydalanugha berilgen 180 pәterli kópqabatty 10 túrghyn ýy otyrarlyq aghayyndy erekshe quantty. Jergilikti halyqtyng quanyshymen bólisken ónir basshysy J.Týimebaev qonys toyyn toylaushylardyng qatary aldaghy uaqytta múnan da kóp bolatynyna senim bildirdi.

«Qoljetimdi baspana-2020» baghdarlamasy ayasynda salynghan ýilerding irgetasyn qalau 2015 jyldyng qazan aiynda bastalghan bolatyn. Jalpy audany 18 792 sharshy metr bolatyn kópqabatty baspanalarda 90 bir bólmeli, 90 eki bólmeli jәne 90 ýsh bólmeli pәter bar.

Aldaghy uaqytta Otyrarda 450 pәterli 25 túrghyn ýiding qúrylysyn jýrgizu josparlanyp otyr. Jalpy, audanda býgingi tanda túrghyn ýy kezegine 716 azamat tirkelgen.

Audangha sapary kezinde júmysshy top ayaldaghan songhy nysan – «Otyrar Sýt-Et» STK-ning júmysy boldy. Kókmardan auylynda ornalasqan óndiristik kooperativ sapaly et pen sýtten bólek, elimizding iri qalalaryn «Mayaqúm» shúbatymen qamtamasyz etip otyr. Býginde kooperativte 700-ge juyq týie, 88 bas siyr bar. Tәuliktik quattylyghy – 1,25 tonna shúbat, 900 litr sýt óndiredi. Kooperativke 67 sharua qojalyq mýshe. Bolashaqta et pen sýtti tereng óndeudi josparlap otyr. Óndirilgen ónimder 6 oblys pen Almaty, Astana qalalaryna jetkizilip, túrghyndargha úsynyluda.

Júmys saparynyng sony, әdettegidey, Otyrar audanynyng aktiyvimen kezdesumen jalghasty. Aldymen, audan әkimi Erlan Aytahanov Otyrardyng әleumettik-ekonomikalyq damu kórsetkishteri men kemshin tústaryn bayandady. Múnan son, J.Týimebaev audan boyynsha syn-eskertpeler men tapsyrmalardyng retin atady.

Mәselen, Otyrar alqabyndaghy 42 myng gektar egistik jerding 24 myng gektary ghana (58 payyz) iygerilgen. Dәndik jýgeri mejeden 2 myng gektargha kem egilgen. Ónerkәsip jәne kәsipkerlik salasy boyynsha keybir indikatorlar oryndalmay keledi. Mәselen, industriyalandyru kartasyna engizu josparlanghan 2 jobanyng 1-ui ghana oryndalghan. Múnan bólek, industriyaldy aimaqqa arnalghan jerding kólemi 97 gektardy qúrasa da, audan ekonomikasynyng ósu rezervteri tolyq paydalanylmay otyr.

Osynday kemshilikterdi tizgen aimaq basshysy audanda kәsipkerlikti qolgha alu qajettigin aityp, toqtap túrghan kәsiporyndardy iske qosu isine investorlardy tartu kerektigin jetkizdi. Turizm salasy boyynsha Otyrardyng potensialynyng myqty ekenin algha tartqan әkim ónirge otandyq jәne sheteldik qonaqtardy kóptep tartu júmystaryn qolgha aludy tapsyrdy. Sonday-aq, búl ortaq isti atqaruda auyl әkimderi audan әkimine kómekshi bolyp, mejeli josparlardy birlese oryndaugha shaqyrdy. 

Abai.kz