Ýkimet basshysy B.Saghyntaev pen

QR Bas prokurory J.Asanovtyng nazaryna!

Qúrmetti, Baqytjan Saghyntaev, Jaqyp Asanov myrzalar! Ómir boyy jighan-tergeninen bir-aq sәtte Qazaqstan shekarasyna kelip aiyrylghan ananyng qazirgi jaghdayyyn Sizderge estirtudi ózimizge paryz sanap otyrmyz.

Oqighanyng tolyq mәn-jayy bylay...

Mәuithan Gýljan aqpan aiynyng 8-i kýni Qytaydan Qazaqstangha balalarymen jәne inisimen birge kóship kelu ýshin ShQO Zaysan audanyna qarasty «Mayqapshaghay» kedendik beketinen ótedi.

Kýieuinen jastay jesir qalyp, eki balasyn ómirding nebir tauqymetin tarta jýrip er jetkizgen Gýljan Qytaydaghy ózine tiyesili ýii men bar dýniye-mýlkin satyp, ol aqshagha Astana qalasynan ýy aludy kózdegen eken.

Shekaradan ótken eki kishkentay balamen qosa eseptegende jeti adamnyng qaltasynda jalpy jiyny 59,900 AQSh dollary bolghan. Yaghni, Mәuithan Gýljannyng ózinde - 19,700, birge tughan inisi Mәuithan Múqiyattyng qaltasynda - 10,500, úly Múqtashúly Ádilbekting janynda - 9,900, jiyeni Saylan Meyrambekting qaltasynda - 9,900, jiyen kelini Gýljanat Soltikenning qaltasynda 9,900 AQSh dolary bolghan.

Gýljan Mәuithannyng aituynsha, olardy Mayqapshaghay keden beketindegi shekara qyzmetkerleri baqylau terminalynan «qújattarynyz tolyq, bәri zandy» dep ótkizgen.

«Shekara torynan Qazaqstangha qaray shygharyp salatyn avtobusqa otyrghan kezimizde artymyzdan quyp kelip, qayta tekserdi. Meninshe, búlay isteui zangha qayshy. Sosyn, bәrimizdi baqylau terminalyna qayta tizip alyp kirip, sheshindirip, qoyny-qonyshymyzdy aqtardy. Tipti, jylaghanyna qaramay, 3 jastaghy jәne 8 jastaghy eki balany da sheshindirip, túla boyyn tintip shyqty. Jogharyda atalghan beseumizding qaltamyzdan shyqqan 59,900 AQSh dollaryn týgeldey sypyryp aldy. Bizde jolda tamaq alyp ishetin, jolgha tóleytin, qonaq ýige jatatyn kók tiyn aqshamyz qalmay, eki ortada daghdaryp qaldyq. Aqyry bir tanys kisilerding kómegimen Zaysan qalasyna kelgen kezde mening jýrek auruym ústap, esimnen tanyp, jedel jәrdemmen emhanadan bir-aq shyqtym. Ol jerde de taghy bir qyrsyq dayyn túr eken. Kóshi-qon zany boyynsha, Qazaqstan azamattyghyn alghansha osy elding azamaty retinde qaralatyn «yqtiyarhat» kuәligim bolsa da emhanadaghylar: «Siz shetel azamaty ekensiz. Emdeluiniz de aqyly bolady» dep basymyzdy qatyrdy. Shyrqyrap jýgirgen úlym Almatydaghy tanystarynan aqsha aldyryp, emhanagha jatyp, zorgha aman qaldym», – deydi ol.

«Atajúrtym bar» dep alystan at terletip kelgen jesir ananyng basyndaghy búl auyr jaghday turaly endi qúzyrly oryndargha aryzdanu ýmiti túr.

«Qazaqstan Respublikasy Jogharghy sotynyng 1997 jylghy 18 shilde kýngi №10 normativtik qaulysynyng 6-2 bóliminde «Adam qolma-qol jәne (nemese) últtyq valuta jәne (nemese) jol shekteri kontrabandasyn jasaghan jaghdayda, Qazaqstan Respublikasynyng zannamasyna sәikes mindetti jazbasha deklarasiyalaugha jatpaytyn, yaghni, balamasy 10 myng AQSh dollarynan aspaytyn mólsherdegi onyng bóligi kontrabanda mýlki retinde tanylmaydy jәne adamgha taghylghan aiyp kólemine enbeydi. Osy soma iyesine qaytaryluy tiyis», - dep anyq kórsetilgen.

Al shekaradan ótken kezde deklarasiya toltyrmaghan jaghdayda belgilengen kólemnen kóp emes mólsherde asyp ketken aqshagha zang boyynsha aiyppúl salynyp, iyesine qaytaryluy tiyis deydi zangerler.

Olardyng qolyndaghy búl aqshanyng qaydan alynghany jayly Qytaydyng Kóktoghay audandyq qúrylys basqarmasynyng anyqtama qaghazy da bar.

Abai.kz