"Qúrysyn!" desem de qúrta almay, osy alabajaq lentamen býgingi uaqytym taghy da ótti. Almatydaghy Sulpak, Alser dýkender jelisi reseylik kompaniyagha tiyesili ekeni belgili. Býkil qyzmetkerine taqqyzyp qoyypty. Arnayy kensesine baryp, basshylaryn shaqyrttym. Bir qora slavyan últynyng ókili týsti. Men Almaty әkimdigi, ishki sayasat basqarmasynyng hatyn kórsettim. Mynalar des bermedi. Mórsiz, ózderine arnalmaghan hatty qystyrghan da joq. Amalsyz, Botagóz Zarqynqyzyna habarlastym. Sayahat manyna ol da kelip qalghan eken. Endi Botagózben birge baryp, aitysugha kiristik. Evgeniy degen bastyghy "Bizdegi qyzmetkerlerding búl lentany taghu-taqpauy - óz erki" dep qútyldy. Biraq kók lenta taghugha eshqanday qúqyq bermegen. Artynsha, Sulpak dýkenindegi satushy qyz-jigittermen sóilestim. Sóitsem, basshylyghy osy lentany taghyp jýrudi mindettepti. "Sheshuge bolmaydy", - dedi ózimizding qazaqtyng balalary úyala tómen qarap. Olardyng rasynda jazyghy joq. Býginde basshysyna qarsy kelem dep, júmyssyz qalugha taghy bolmaydy. 
Keshkilik avtobusqa minsem, dәl qasyma orystyng әdemi kelinshegi otyrdy. Keudesine ol da alabajaq lentany taghyp alypty. Sómkemdegi әkimdikting hatyn kórsettim. Biraq búl kelinshek týk te kekireygen joq. - Men "Almatytelekomda" isteymin. Bәrimizge osy lentany taghugha mindettedi. Myna hatty birinshi ret kórip túrmyn. Nege bizding mekemege habarlamaghan? Tipti, kóshedegi, qoghamdyq kólikterdegi monitorgha ózimizding kók lentany ilip qoysa, bóten elding dýniyesinde nemiz bar? Bilemiz ghoy. Búl georgiy lentasy revanshistik sayasattyng tuyna ainalghan, - dedi emen-jarqyn. 
Áyteuir bir adamnyng pikirles bolghanyna kәdimgidey quanyp qaldym. Sosyn mynanday oy ketti: Rasymen-aq, Elbasy arbany da syndyrmay, ógizdi de óltirmeu ýshin, dúrys sayasat qoldandy. Georgiy lentasyna tyiym salynbady, biraq tyiyluymyzdy talap etti. Yaghni, memleketting irgesin bekite týsuge mýmkindik berdi. Biraq sheneunikter aitylghan sózdi qaz-qalpynda ghana týsinip, batyl qimyldaugha qorqaqtap qaldy. Bastapqy messedj belgili edi. Endeshe, býkil qala әkimdikteri kók lentany telearnalar, kóshedegi bilbordtar, merzimdik basylymdar, qoghamdyq kólikterde, alandarda batyl týrde nasihattauy tiyis edi. Qajet bolsa, studentterge keng týrde flesh-mobtar jasatuy kerek edi. Memlekettik, jekemenshik mekemelerge últtyq simvoldy nasihattau turaly resmy hattar joldanuy kerek edi. Edi, edi, edi... Endi kesh qaldyq. Óitkeni, memlekettik sayasattyng basynda otyrghandardyng ózi sujýrek qorqaq, jaltaq, namyssyz! Olardyng qúny da osy alabajaq shýberek siyaqty!