1 sәuirdi júrt "Kýlki kýni" deydi. Men "Aldarkóse kýni nemese Qojanasyr kýni" dep atasaq deymin. Búl kýni talay ret aldanghanym bar. Bir mysal.
Úmytpasam, 1989 jyldyng 1 sәuiri bolsa kerek. Ol kezde kókek aiy dep atalatyn.
Mәskeulik Ortalyq telearna "Eski arhivten "Igori joryghy turaly jyrdyn" avtory Boyan degen aqynnyng sol zamannyng suretshisi salghan sureti tabyldy!" dep habarlap, saqaldy bireuding sarghayghan suretin kórsetip jatty. Bet-әlpeti bizding ata-babalarymyzgha úqsap túr. Men quanghannan Oljas Sýleymenovke telefon shaldym. Ol da búl habargha quanyp, "Eger ras bolsa, ol suretti Mәskeuden aldyruymyz kerek eken" dedi. Birer kýnnen keyin ol kisige taghy telefon soghyp: "Boyannyng sureti ne boldy?" dep súrasam, Oljeken: "Ol Kýlki kýnine orystardyng oilap tapqan qaljyny bolyp shyqty" dedi. Sol aldanghanym, onymen qoymay O.Sýleymenovti de aldaghanym esimnen ketpeydi. Sóitsek, Mәskeu teledidarynyng "Boyan jyraudyng sureti" dep kórsetkenderi qazaqstandyq suretshi Alibert Gurievting qazaqtyng batyrlar jyry taqyrybyna salghan sureti eken.

Sonday-aq, búryn 1 sәuir halyqaralyq Qústar kýni dep atalatyn. Sýiegi qurap qalghan Sovet ókimeti kezinde búl kýni balalar qaratorghay úyalaryn jasap, aghash basyna ornatyp jatatyn. Negizinde dýniyejýzining kóptegen elderi Qústardy qorghau kýnin, Jyl qústary kýnin ózderi belgilegen merzimde atap ótudi dәstýrge ainaldyrghan. Múnday Qús kýni bizge de kerek ekeni sózsiz..
Sondyqtan qústay úshyp jýrgen qús minezdi, qús úiqyly qauymdy bayaghy Qústar kýnimen qúttyqtay otyryp, kóktegi qústay erkin bolynyzdar degim keledi.

QARLYGhAShTAR

Qarlyghashtar, 
qúiylyp qúbyladan, 
kelindershi kóktemde tiri maghan,
men sendermen o basta birge tuyp, 
ózderinmen órbigem bir úyadan.

Dýniyening bolsa da syryna alan, 
qús syryna boylap pa ghúmyry adam? 
sender úshyp ketkende, 
qarlyghashtar, 
jerde qalghan jalghyz men bir úyadan.

Oramadan soghylghan sylaq ýide, 
qala bergem qayransyz qúba kýide, 
qayyrymdy qúdaydan qanat súrap, 
keler degem samghaytyn kýn, әriyne.

Kýn tughanda shalqyma, shattyghy kóp, 
qanat qagham túnghysh ta aqtyq ret, 
ketem úshyp men daghy búl jahannan, 
kók aspannyng maghan da jattyghy joq!..

Úlyqbek ESDÁULET

(Jazba avtordyng facebooktegi paraqshasynan alyndy)