Tәrizi, eshkim úmytpaghan bolsa, bayaghyda «eshkim de, eshtene de úmytylmaydy» degen jap-jaqsy sózder bar edi – naqylgha ainalyp ketken. Osynyng orayy oiymyzgha oralghandyqtan ba, qaydam, keshe biz elimizding qorghanys salasyndaghy «mafiya» turaly materialdar bastamasynyng kirispesin jariyalaghan edik – osy «ABAY.KZ-ning betinde – «MEMLEKETTI «METALLOLOMMEN» QORGhAYMYZ BA?» (http://abai.kz/post/view?id=3036) degen. Býgin osy taqyrypqa qayta ainalyp soghyp otyrmyz.

Qorghanys ministrligin basqaryp-basqaryp, kýnderding bir kýninde әjeptәuir aiqay-shumen bizding ýkimetimizding ainalasynan kórinbey ketken Danial AHMETOV myrza aragha jyldar salyp baryp... qayta oraldy memlekettik qyzmetke – Shyghys Qazaqstan oblysynyng әkimi bolyp. Dauymyz joq, egemen elimizding qabyrghasyn qalasugha kәdimgidey-aq enbegi singen shyghar, óitkeni, kezinde Ýkimetimizdi de basqarghan bolatyn. Jamandy-jaqsyly bolsyn. HOSh. Jogharyda aityp ótkenimizdey, osy DANIAL myrza qaybir jyldary Qorghanys ministrligin basqaryp túrghan kezde qanday qarjylyq talan-tarajgha jol berilgenin jogharyda atalghan materialymyzda keltirip ketken edik. Býgingimiz sonyng zandy jalghasy desek te bolar. Mәselen, qolymyzda bar mәlimetterge jýginetin bolsaq, osy kisining basshylyghy túsynda eshkim estip-bilmegen «KLEN», «OREON» jәne «PROMETEY» degen jauapkershiligi shekteuli seriktestikter bolypty – tikeley Qorghanys ministrligimen tyghyz qarym-qatynasta júmys istegen. Qojayyny – otstavkadaghy polkovnik Qayyr RAQYMOV degen myrza.

2005 jyly osy Raqymov atalmysh firmalary arqyly negizsiz kelisim-sharttar týzu «nәtiyjesinde» ministrlikke 17 million tengening әskeriy-tehnikalyq qúral-jabdyqtaryn jetkizip beredi. Alghashqy «operasiyasy oidaghyday» ótkendikten, Raqymov ekinshi «mahinasiyasynda» qúlashty tipti kenge jayady – әskery mekememen 490 million tengening qaru-jaraghyn jetkizip beru turasynda kelisim-shart jasasady. Aytyp-aytpay ne kerek, «dýniyesi dóngelenip» jýre bergen QAYYRekeng ainalasy ýsh jyldyng ishinde Qorghanys ministrligining raketaly-artilleriyalyq qaru-jaraqtargha arnalghan qoymasyn 10 mynnan astam «әjetke jaramsyz» әskery qúral-jabdyqtarmen toltyryp tastaydy. Esep komiytetining tekseruleri barysynda 2006 jyly elimizding әskery basshylyghy memleket budjetinde qaralmaghan bolsa da... jarty milliard tengeni «әskery qajettilik ýshin» dep... jaratyp jiberipti. Jalpy, jogharyda atalghan ýsh firmanyng ózimen ghana ministrlik úzyn sany 57 kelisim-shart jasasqan eken. Onyng ýstine, resmy mәlimetterge jýginetin bolsaq, Raqymovtyng «qaghazda bar, iste joq» atalmysh firmalary elimizding qorghanys salasyna jetkizip bergen әskery qúral-jabdyqtary býgingi kýnge deyin qoymalarda ShANG basyp jatyr. Yaghni, olardyng barlyghy da merzimi ótip ketken, «zamanauiy» emes әskery qúral-jabdyqtar, qysqasyn aitqanda.

Mine, qorghanymyz bolady degen Qorghanys ministrligindegi «bitip bolmay jatqan bylyq-shylyqtardyn» kishkentay bir kórinisi ghana búl. Estuimizshe, Raqymovtyng atalmysh firmalary elimizding әsker salasyna shamamen 3,6 milliard tenge shyghyn keltirse de, týk bolmaghanday... tenderlerge әli qatysyp jýrgen kórinedi. Al endi osynau firmalardyng qojayyny qayda degenge keletin bolsaq, qojayyny Qayyr RAQYMOV bayaghyda-aq Qazaq elin tastap, qashyp ketken. Keybir derekterge qaraghanda, 2009 jyly «tesken tau asyp» ketken kórinedi. Ózine halyqaralyq izdeu jariyalanghan. Áytse de, ony shyn mәnisinde eshkim izdep jatqan joq, eger tiyisti oryndar tapqysy keletin bolsa, bayaghyda-aq Bolgariyada (osy elge túraqtapty, estuimizshe) biznes jasap jýrgen jerinen «qylqyndyryp túryp» alyp keler edi. Demek, Raqymovty elimizge ekstradisiyalau mәselesine qazirgi qorghanys salasyndaghy keybir lauazymdy túlghalar mýddeli emes degen sóz. Ony alyp keletin bolsa... әlbette ol týsinik beredi – tiyisti organdar aldynda. Al ol týsinik bere qalsa... talay da talay general-peneraldardyng aty-jónderi «sorpa betine» qalqyp shyghary aidan anyq.

Marat MADALIMOV.

Abai.kz