Men onymen әngimelestim. Negizinen әngimeni aitqan Ol.

– Siz ózinizding eki adam ekeninizdi belesiz be? – dedi Ol.

Eki adam... Men oghan antaryla, әri tanyrqay qaradym.

 – Bilmeysiz, – dedi Ol. – Sizde tipti men eki adammyn-au degen úghym da, týsinik te joq. Eger bilseniz ghoy...

Men ony ýnsiz tyndaghandy jón kórdim.

– Eki adam – eki ómir. Alayda sol eki ómir – bir adamgha tәn. IYә, týsingen joqsyz. Siz osy kýnge deyingi ómirbayanynyzdy maghan jipke tizgendey etip aityp bere alasyz. Solay emes pe? Eger men sizge sol jýrip ótken ómir jolynyzdyng tura sodan aina qatesiz taghy bir kóshirmesi bar desem, soghan ilanar ma ediniz? Ýndemey-aq qoyynyz. Áriyne, ilanbaysyz. Biraq bir adamdaghy sol eki ómir údayy qatar jýredi. Ol ekeui bir-birinen mýlde ainymaytyndyqtan onyng ekeu ekendigin eshkim bile almaydy. Shyndyghynda ol – ekeu. Bireui – shyn, ekinshisi – ótirik. Biz birde oghan, birde búghan almasyp otyramyz. Ol ekeui biz ólgennen keyin ajyraydy. Bireui osynda qalady da, ekinshisi o dýniyege attanady.

Men onyng aqyl-esining dúrys-búrystyghyna kýmәndana bastadym. Alayda Onyng meni tap ózi siyaqty týsinip túrghandyghyn ishki týisikpen sezindim. Mening birnәrselerdi úghyna bastaghanymdy ol da angharghan tәrizdi. Óz oiymnan arylyp, әngimege qayta qúlaq týrdim.

– Eki adam. Eki adamda bir jan. Qaysysyn tandaysyn. Qalau ózinde. Sondyqtan bar, biraq joq adamdar bolady. Sonday-aq joq, biraq bar adamdar bolady. Búl jayt әlgi ekeuding qaysysyn tandauyna baylanysty kórinis beredi. Solay.

Ol ghayyp boldy. Óz-ózime keldim. Joq әlde, óz-ózime әlginde keldim be? Men kimmin? Men emes, Ol kim? Eki adam... Eki adam emes, bir adam. IYә, bir adam. Biraq ekeui eki adam. Men jәne Ol. Men barmyn, al Ol joq. Demek, men múnda qalamyn da, Ol ana jaqqa ketedi. IYә, o dýniyege.

Ketse barsyn. Ol men emes. Toqta... Ol da men. Sonda ol bop ta ketetin men. Eger men ol bolsam onda, Allanyng aldyna qay betimmen baramyn? Sebebi, men eshqashan Ol bolyp kórgen joqpyn. Al múnda qalatyn men Allanyng aldyna barugha jaramaydy. Jalpy onyng myna júmyr jerden ajyraghysy joq. Oghan basqa eshnәrse tipti, jәnnat ta qajet emes. Sondyqtan ol osynda qalady. O dýniyege ketetin anau. Men ony tanymaymyn. Meni Ol da tanymaydy. Solay bola túra men ýshin ol jauap beredi. Óitkeni Ol – men. Biraq men Ol emespin.

Áy, Ol! Toqta! Men sen bolghym keledi.

Qúdiyar BILÁL.

Abay.kz