Últtyq ekonomika ministrligi halyqtan el ekonomikasyn qalay kóteruge bolady dep kenes súrapty...

Ekiúshty oy keldi. Áueli, әriyne, elmen sanasyp, halyq pikirin bilgisi kelse – jón eken dedik.

Sosyn, sonda ózderi ne bitirip otyr? Búl ne, olardyng túiyqqa tirelgeni me? Aytar oi, silter joly bolmasa neghyp jýr degen oigha qaldyq!..

Súraghan song aitpasqa bolmaydy... Áytpese, synap-minegende bәledeysinder, bilgish bolsandar qayda qaldyndar demey me? «Ánsheyinde auzyn jappastyn» kebin kiymeyik. Tyndar qúlaq bolsa, aitar sóz tabylady!..

Sonymen, әlqissa!..

Últtyq ekonomika ministrligining mindeti ne? Áriyne, últtyq ekonomika qúru. Al bizding «Áueli ekonomika, sosyn sayasat» degen úran kóterip, ozyq otyz elding qataryna enudi múrat tútqan tәuelsiz el biyligi shiyrek ghasyrda shynayy últtyq ekonomika qúra aldy ma? Ayta almaymyn!..

Songhy derekterge qaraghanda, últtyq ekonomika ýlesi 20 payyzgha jetpeydi. Qalghany... qalghany, iyә, jat qolynda. Búl ne? Sóz joq, óte qauipti súraq. Tipti últ qauipsizdigine qatysty, asa manyzdy kýrdeli mәsele. Búny bir deniz!..

Al endi әlemdik alpauyttar tobynda jýrgen baylarymyz ben baghlandarymyz kim? Óziniz de bilesiz, olar da sol – ózge júrt ókilderi... Nemese soghan jaqyn, әiteuir qazaqqa jany ashymaytyndar. Búl qalay?!

Dau joq, búl da – manyzdy saual. Sheshimin tabudy talap etetin qiyn sharua. Sonda ony kim sheshedi?!

Siz. Últtyq ekonomika ministrligi. Últtyq ekonomikada últ ýlesi basym bolugha tiyisti, onsyz últtyq ekonomika eshqashan kóterilmeydi.

Mashkeevich pen Shodiyevtin, Kim men Niydin, Ivanov pen Kulaginning baylyghyn bizdiki dep oilama. Búl tek uaqytsha. Bastan jygha qisayghan kýni «manghyt – auzyna sanghyt» dep, joq bolady. Ózi týgil izin de tappaysyn. «Is bitti, qu ketti!..»

Sondyqtan, ne isteu kerek? Jogharyda aittyq, taghy da aitamyz – últtyq ekonomika men biznesting barlyq salasynda últ ýlesi, últtyq kәsipkerler basym bolugha tiyisti. Sany da, sapasy da!.. Ministrlik eng aldymen sol ýshin júmys isteui kerek.

Aytpaqshy, búl mindet taghy bir úiymgha tikeley qatysty. Ol – Últtyq kәsipkerler palatasy. Palata ne ýshin qúryldy?!

Orys aghayyndarymyz aitpaqshy, «Mahabbat pen soghysta – barlyq tәsil qolayly»... Últ mýddesi men bolashaghy ýshin, qajet bolsa, bәrine barugha bolady.

Aqyl súraghan son, aitu – paryz. Onyng ýstine, kenes súrap otyrghan – ózge emes, ózimizding Últtyq ekonomika ministrligi. Qalay aitpaysyn?!

Ras, búl tek – baghyt qana... Meje. Maqsat. Sondyqtan eng basty nәrse – sol mejege qalay jetip, búl maqsatty qalay jýzege asyrugha bolady? Mәsele – sonda!..

Oy – kóp, iydeya da – jetkilikti... Súrap jatsa aitugha bolady. Ázirge osy!..

P/S:   Aytpaqshy, aita keter jayt – bizde jaqsy joba men josparlar jetip-artylady. Gәp tek solardyng oryndaluynda. Tipti eshtene oilap tabudyng qajeti joq!..

Túrmaghanbet Kenjebaev

Abai.kz