Astana qalasynda Qazaqstan Respublikasy Últtyq qauipsizdik komiytetining qúrylghanyna 25 jyl toluyna arnalghan saltanatty jiyn ótti. Beybitshilik jәne kelisim sarayynda ótken merekelik sharagha Elbasy Núrsúltan Nazarbaevtyng ózi arnayy kelip qatysty, - dep habarlaydy Abay-aqparat. Sonday-aq, qúrmetti qonaqtardyng qatarynda respublikanyng kýsh jәne qúqyq qorghau qúrylymdarynyn, ministrlikter men vedomstvolardyng basshylarymen birge, sheteldik elshilikter delegasiyalarynyng jetekshileri, sheteldik arnauly qyzmetter ókilderi men ardagerleri boldy.

Jiynda sóz sóilegen Elbasy Núrsúltan Nazarbaev osydan 25 jyl búryn, 1992 jyldyng 13 shildesinde Últ­­tyq qauipsizdik komiytetining qú­ryluymen eli­mizding qauipsizdigin qamta­masyz etetin berik jýie qalyp­tasqanyn atap ótti.

– Sizder Otanymyzdyng tútastyghyn qamtamasyz etuge, tәuelsizdikti ny­ghaytugha jәne halqymyzdyng tynysh­tyghyn saqtaugha 25 jyldyng ishinde eleuli ýles qostynyzdar. Arnauly qyz­mettegi adamdardyng bәri, qúqyq qorghau organdary, әskeriyler, sonyng ishinde sizder de kózge kórinbes maydanda kýn-týn demey, el ýshin abyroyly da jauapty júmys atqaryp kele jatyrsyzdar. Osy jyldar ishinde Últtyq qauipsizdik komiyteti kóptegen qauipting aldyn alyp, talay lankestik әreketterding jolyn kesti. Búl júmysqa biliktiligi men dayarlyghy joghary, bilimi bar, sezimi bar, otansýigish jýregi bar adamdar ghana qabyldanady. Olar alansyz әri adal qyzmet etui ýshin memleket tarapynan da barlyq jaghday jasalghan, – dedi Elbasy.

Qazaqstan Preziydenti elimizde beybitshilik pen túraqtylyqty saqtau ýshin óz ómirin qúrban etken ÚQK qyzmetkerlerining enbekterin erekshe atap ótip, olardy bir minut ýnsizdikpen eske alugha shaqyrdy.

Memleket basshysy Dostastyq elderining qauipsizdik organdarynyng jetekshilerine Qazaqstandaghy әriptes­ter­i­men tyghyz baylanys ornatyp, ózara jemisti is-qimyl jasap kele jatqany ýshin alghys aitty.

Qazaqstannyng tәuelsizdik jyl­daryndaghy jetistikterine toqtalghan Preziydent Qazaqstannyng әlemdik qo­ghamdastyqtaghy bedeli de artyp kele jatqanyn, biyl elimizding Birikken Últtar Úiymynyng Qauipsizdik Kenesine túraqty emes mýshe boluy sonyng bir kórinisi ekenin jetkizdi.

– Bizding aldymyzda әli de auqymdy mindetter túr. Elimizding bәsekege qabilettiligin arttyru ýshin barlyq salany janghyrtu jýrgizilip jatyr. «Qazaqstan-2050» Strategiyasyn iske asyrudamyz. Onyng maqsaty – әlemning ozyq damyghan otyz elining qataryna enu. Biz sifrlandyru әlemine enip, dýnie jýzining barlyq elderinde ótip jatqan tehnikalyq progreske ilese aluymyz qajet. Búl – kýrdelirek mindet jәne búrynghy janghyrugha úqsamaytyn mýlde basqa dengey. Sondyqtan barynsha júmys isteuge tura keledi. Aldaghy maqsatqa tabysty qol jetkizuding basty kilti – tóniregimizde beybit ómir men tynyshtyqty qamtamasyz etu, ishki sayasy túraqtylyq pen kelisimdi ornatu, – dedi Núrsúltan Nazarbaev.

Elbasynyng aituynsha, әlemning qazirgi barlyq syn-tegeurinderi men qauip-qaterlerine qarsy túru ýshin ÚQK qyzmetkerlerining kәsiby qabileti men biliktiligin jetildiru qajet.

– Jyl basynda Últtyq qauip­sizdik komiyteti men onyng vedom­stvo­larynyng jana qúrylymy bekitil­di. Ózara is-qimyl jasau men kýsh-quat­ty qayta ornalastyrudyng janar­tylghan jýiesi meylinshe tiyimdi júmys jýrgizuge mýmkindik beredi. Últtyq qauipsizdik komiytetining qyz­metkerleri aldaghy uaqytta da Ota­nymyzgha minsiz qyzmet etip, elimizdi kórkeytu jәne últtyq mýddemizdi qorghau jolynda ózderining barlyq kýshin, bilimi men tәjiriybesin júm­saytynyna senimdimin, – dep sózin týiindedi Preziydent.

Sonynda Elbasy qyzmettik pa­ryzyn oryndauda erlik pen jan­keshtilik kórsetken últtyq qauip­sizdik organdarynyng ýzdik qyzmet­kerlerine memlekettik nagradalar tabys etti.

II dәrejeli «Aybyn» ordenimen «A» arnauly maqsattaghy qyzmetining ortalyq núsqaushysy, mayor, marqúm Erghanat Kósherbaev nagradtaldy jәne osy ordendi ÚQK 2-shi departamentining basqarma bastyghy, mayor Ámir Saryqúlov keudesine taqty. Al «Jauyngerlik erligi ýshin» medalimen ÚQK qyzmetkerleri – D.Ba­zarbaev, A.Qojabekov, A.Lúqpanov, J.Omariyev, Á.Tastambekov, E.Ýse­nov marapattaldy.

Marapattau rәsiminen keyin Últtyq qauipsizdik komiytetinin 25 jyldyghyna arnalghan saltanatty konsert ótip, osy salanyng tarihy men qazirgi sәtterin beyneleytin derekti filim kórsetildi.

Qatysushylar lebizi

Bolat ZÁKIYEV, Últtyq qauipsizdik komiytetining ardageri:

– Bir elding tarihynda 25 jyl degen qysqa merzim. Biraq әr mekemening óz salasyndaghy jetken jetistikteri uaqyt­pen ólshenbeydi. Qazaqstannyng Últ­tyq qauipsizdik komiytetining shiyrek gha­syr ishinde atqarghan júmystary auyz tol­ty­ryp aitarlyqtay. Arnauly mem­le­ket­tik organ elimizdegi tynyshtyq pen tú­raqtylyqty saqtauda eleuli enbek etip keledi.

Men 41 jyl boyy osy salada júmys istedim. Sonyng 15 jylynda Shekara qyzmetin basqardym. Sondyqtan osy sala maghan jaqynyraq. 1992 jyly Qazaqstannyng Shekara qyzmeti qúrylghan kezde biz Qytaymen shektesetin 1600 shaqyrym jerdi ghana kýzetip otyrdyq. Sodan beri elimizding shekarasyn, yaghny 15 myng shaqyrymdy kýzetu ýshin kóptegen júmys atqaryldy. Mysaly, shekara beketterin salu, olardy bilikti kadr­larmen qamtamasyz etu, zandardy qabyldau әri kórshi eldermen beybit baylanys ornatu sekildi kóptegen sharualar enserildi.

Osy orayda, ruhy myqty, jýreginde otansýigishtik sezimdi úyalatqan Últtyq qauipsizdik komiyteti qyzmetkerlerining arqasynda osynday tolayym tabystargha qol jetkizdik. Búl salada kileng elin sýigen mamandar júmys isteydi. Olar ómirin qaterge tige jýrip, elimizding túraqtylyghy men tútastyghyn adaldyqpen qorghay bildi. Áriptesterimning erlikke para-par enbegi rasymen de elenuge túrarlyq.  Arnauly memlekettik qyzmettegi barlyq azamatty kәsiby merekesimen qúttyqtaymyn. Olardyng enbekterine tabys tileymin. Halqymyz  aman, elimiz tynysh bolsyn!

Ámir SARYQÚLOV, II dәrejeli «Aybyn» ordenining iyegeri:

– Últtyq qauipsizdik komiytetining qúrylghanyna 25 jyl toluyna oray Elbasynyng qolynan memlekettik marapat alyp jatqanyma shyn jýrekten quanyshtymyn. Múnday marapat maghan búrynghydan da ýlken jauapkershilik jýkteydi. Ózim 2000 jyldan beri qauipsizdik salasynda júmys isteymin. Sodan beri arnayy organnyng qyzmetine degen Elbasynyng qoldauyn әrdayym sezinip kelemiz. Qazirgi tanda Últtyq qauipsizdik komiytetining qauip-qaterge qarsy túrugha qauqarly barlyq qajetti resurstary men qúral-jabdyqtary bar. Preziydentting bastamasymen arnayy memlekettik baghdarlama da qabyldanyp, jýzege asyrylyp keledi. Sonyng nәtiyjesinde infraqúrylymdy damytu, materialdyq-tehnikalyq bazany janghyrtu, qyzmetkerlerding әleumettik jaghdayyn jaqsartu baghytynda kóptegen júmystar atqaryluda. Demek, bizding alansyz júmys isteuimizge barlyq jaghday bar deuge bolady.

Qazirgi jahandyq jaghdayda kýlli әlemning aldynda kóptegen syn-qaterler túr. Osynday synaq kezinde biz elimizdi tiyisti dengeyde qorghap, qauip-qater tuyndaghanda shúghyl әreket ete aluymyz kerek. Ári Elbasy Últtyq qauipsizdik komiyteti qyzmetkerlerining aldyna ýlken mindetter jýktep, әsirese, kiyberqylmystyng aldyn aludy, oghan tosqauyl qoyyp, «Qazaqstannyng kiyberqalqany» jýiesin qalyptastyrudy tapsyrdy.  Biz osynday auqymdy mindetterdi adal  atqaryp, Otanymyzgha qyzmet etuge әrdayym dayynbyz!

Qymbat TOQTAMÚRAT

Abai.kz