1. Sottalmaytyn patsha sotqar bolady

Mitingige shyqqandargha myltyq oqtar bolady

2. Eger patshanyng arghy teginde patshalyq qúrghan, eng bolmasa el basqarghan eshkim bolmaghan bolsa, onday patshanyng basyna on týrli tәj kiygizip, pәlenbay elding ordenderin týgel tizip taghyp qoysang da ol ózinen sәl ghana basymdau әldekimderding itarshysy bolyp qala beredi. Onday patsha ólgesin onyng kesiri úzaq jyldar boyy óz úrpaghyna, qala berdi shyqqan taypasyna, ruyna tiyetin bolady.

3. Qazirgi qazaq әdebiyeti men ónerinde bәigeden esek ozyp keletin zaman tudy.

4. Óndiretin múnayy kóbeyse, qazaqtyng Qúdayy kóbeyedi eken.

5. Tynyshtyq ýshin bәrine kónetin últ – óletin últ.

6. Kesh bildim, taghdyr mylqau eken ghoy, kónemin,

Ómirimmen qazir ókpeles, múndas ólenim.

Sormandaylyghymdy kórmesinshi dep malghúndar

Keudemning qanyn qos qoldap basyp kelemin.

7. Sýrensiz ótken ómirden

Tәttilep kórgen týs artyq

8. Biz әueli – Allany, sosyn Qúran men Payghambardy, sosyn qazaq degen últymyzdy, sosyn Zandy jәne eng sonynda Elbasyn syilauymyz kerek.

9. Lingvistikada últaralyq qatynas tili degen til joq. Ony oilap tauyp, orys tilin últaralyq til dep jýrgen tek Qazaqstan basshylary ghana.

10. Jerinen, tilinen, baylyghynan airylyp jatsa da, qysqasy jany shyghyp jatsa da ýni shyqpaytyn jalghyz-aq últ bar. Ol – qazaq! Qazaqtardyng miyna ol tózimdilik, toleranttyq dep sinirilude. Búl tózimdilikke de mәdeniyettilikke de jatpaydy. Onyng aty – qangha singen qúldyq! Qúlminez!

11. Biylik basynda jýrgender ózine Allanyng núry týskennen góri basshysynyng núry týskenin qalaydy.

12. Eger taqta otyrghan adam zansyz aqsha, zansyz qazyna-baylyq jinaghan, óz últynyng tiline, salt-dәstýrine jany ashymaytyn adam bolsa, ol últyna jany ashityn, bilikti, bilimdi adamdardy biylikke jolatpaydy. Kerisinshe, ózining ainalasyna, ýkimetke, parlamentke úry-qarylardy, jaghympaz aqsaqaldardy, alayaqtardy, qylmyskerlerdi jinaydy. Óitkeni, ondaylar qara basynyng amandyghyn ghana oilap biylik ne aitsa sony ghana isteytin asyrandy itter siyaqty bolady.

13. Qazaqstanda «Birlik bar jerde tirlik bar» degen naqyl sóz jogharydaghylar ne aitsa sony orynda, saylau kezinde qarghany súnqar dep, túghyrdy-túlpar dep basshylyqqa úsynyp jatsa da qarsy pikir aitpay qos qolyndy kóterip dauys ber degendi bildiredi.

14. Aytysqa qatysyp aqsha, kólik útyp alyp jýrgen adamdar ar-namys degennen airylghandar ma dep qorqamyn. Óitkeni, anada Jýrsin Ermanov aitysty bizneske ainaldyryp bolyp, Preziydentke «Aytys aqyndaryn arqasynan qaghyp qoysang boldy, sayray beredi» degen qorlau sózine olar qalay shydap jýr deseyshi?

15. Patsha teksiz bolsa, tuysy betsiz bolady.

Abai.kz