1. سوتتالمايتىن پاتشا سوتقار بولادى

ميتينگىگە شىققاندارعا مىلتىق وقتار بولادى

2. ەگەر پاتشانىڭ ارعى تەگىندە پاتشالىق قۇرعان، ەڭ بولماسا ەل باسقارعان ەشكىم بولماعان بولسا، ونداي پاتشانىڭ باسىنا ون ءتۇرلى ءتاج كيگىزىپ، پالەنباي ەلدىڭ وردەندەرىن تۇگەل ءتىزىپ تاعىپ قويساڭ دا ول وزىنەن ءسال عانا باسىمداۋ الدەكىمدەردىڭ يتارشىسى بولىپ قالا بەرەدى. ونداي پاتشا ولگەسىن ونىڭ كەسىرى ۇزاق جىلدار بويى ءوز ۇرپاعىنا، قالا بەردى شىققان تايپاسىنا، رۋىنا تيەتىن بولادى.

3. قازىرگى قازاق ادەبيەتى مەن ونەرىندە بايگەدەن ەسەك وزىپ كەلەتىن زامان تۋدى.

4. وندىرەتىن مۇنايى كوبەيسە، قازاقتىڭ قۇدايى كوبەيەدى ەكەن.

5. تىنىشتىق ءۇشىن بارىنە كونەتىن ۇلت – ولەتىن ۇلت.

6. كەش ءبىلدىم، تاعدىر مىلقاۋ ەكەن عوي، كونەمىن،

ومىرىممەن قازىر وكپەلەس، مۇڭداس ولەڭىم.

سورماڭدايلىعىمدى كورمەسىنشى دەپ مالعۇندار

كەۋدەمنىڭ قانىن قوس قولداپ باسىپ كەلەمىن.

7. سۇرەڭسىز وتكەن ومىردەن

تاتتىلەپ كورگەن ءتۇس ارتىق

8. ءبىز اۋەلى – اللانى، سوسىن قۇران مەن پايعامباردى، سوسىن قازاق دەگەن ۇلتىمىزدى، سوسىن زاڭدى جانە ەڭ سوڭىندا ەلباسىن سىيلاۋىمىز كەرەك.

9. لينگۆيستيكادا ۇلتارالىق قاتىناس ءتىلى دەگەن ءتىل جوق. ونى ويلاپ تاۋىپ، ورىس ءتىلىن ۇلتارالىق ءتىل دەپ جۇرگەن تەك قازاقستان باسشىلارى عانا.

10. جەرىنەن، تىلىنەن، بايلىعىنان ايرىلىپ جاتسا دا، قىسقاسى جانى شىعىپ جاتسا دا ءۇنى شىقپايتىن جالعىز-اق ۇلت بار. ول – قازاق! قازاقتاردىڭ ميىنا ول توزىمدىلىك، تولەرانتتىق دەپ سىڭىرىلۋدە. بۇل توزىمدىلىككە دە مادەنيەتتىلىككە دە جاتپايدى. ونىڭ اتى – قانعا سىڭگەن قۇلدىق! قۇلمىنەز!

11. بيلىك باسىندا جۇرگەندەر وزىنە اللانىڭ نۇرى تۇسكەننەن گورى باسشىسىنىڭ نۇرى تۇسكەنىن قالايدى.

12. ەگەر تاقتا وتىرعان ادام زاڭسىز اقشا، زاڭسىز قازىنا-بايلىق جيناعان، ءوز ۇلتىنىڭ تىلىنە، سالت-داستۇرىنە جانى اشىمايتىن ادام بولسا، ول ۇلتىنا جانى اشيتىن، بىلىكتى، ءبىلىمدى ادامداردى بيلىككە جولاتپايدى. كەرىسىنشە، ءوزىنىڭ اينالاسىنا، ۇكىمەتكە، پارلامەنتكە ۇرى-قارىلاردى، جاعىمپاز اقساقالداردى، الاياقتاردى، قىلمىسكەرلەردى جينايدى. ويتكەنى، وندايلار قارا باسىنىڭ اماندىعىن عانا ويلاپ بيلىك نە ايتسا سونى عانا ىستەيتىن اسىراندى يتتەر سياقتى بولادى.

13. قازاقستاندا «بىرلىك بار جەردە تىرلىك بار» دەگەن ناقىل ءسوز جوعارىداعىلار نە ايتسا سونى ورىندا، سايلاۋ كەزىندە قارعانى سۇڭقار دەپ، تۇعىردى-تۇلپار دەپ باسشىلىققا ۇسىنىپ جاتسا دا قارسى پىكىر ايتپاي قوس قولىڭدى كوتەرىپ داۋىس بەر دەگەندى بىلدىرەدى.

14. ايتىسقا قاتىسىپ اقشا، كولىك ۇتىپ الىپ جۇرگەن ادامدار ار-نامىس دەگەننەن ايرىلعاندار ما دەپ قورقامىن. ويتكەنى، انادا ءجۇرسىن ەرمانوۆ ايتىستى بيزنەسكە اينالدىرىپ بولىپ، پرەزيدەنتكە «ايتىس اقىندارىن ارقاسىنان قاعىپ قويساڭ بولدى، سايراي بەرەدى» دەگەن قورلاۋ سوزىنە ولار قالاي شىداپ ءجۇر دەسەيشى؟

15. پاتشا تەكسىز بولسا، تۋىسى بەتسىز بولادى.

Abai.kz