Búryn Qostanayda balalardyng jazghy sauyqtyru lagerleri oidaghyday júmys istep, oqushylardyng osy mausymda erkin bir demalyp, oinap-qunap qaytuyna jaqsy jaghday jasalatyn. Oghan balalarmen qatar ata-analar quanyp qalushy edi. Balalar bolsa, jaz boyy densaulyghyn týzetip, mektepke shattana oralatyn.

Alayda qazir búlardyng bәri de kóz búl-búl úshqaly túr. Osyndaghy jazghy sauyqtyru lagerlerine kónil bólinbey, kezinde jóndeu júmystary jýrgizilmey, biylik basyndaghylardyng múnday «úsaq-týiekke» kónil bólmegendiginen búlardyng barlyghy derlik jabylghaly túr. Múnday kelensiz jaytty oblystyq bilim basqarmasynyng basshysy Bәtima Dauymovanyng ózi de moyyndap otyr. Mәselen, oblysymyzdaghy Áuliyekól jәne Qarabalyq audandaryndaghy lagerler dabyl kótererliktey. Múnda kópten beri kýrdeli jóndeu júmystary jýrgizilmegen, qúlaudyng sәl aldynda túr. Sonday-aq Lisakov qalasyndaghy «Alyy parus», Denisov audanyndaghy «Solnechnyi» lagerlerleri de osynday kýy keship otyr. Al oblysymyzdyng asa iri qalalarynyng qataryndaghy Qostanay men Jitiqara qalalarynda sauyqtyru lagerlerining atymen joqtyghy eshkimning de shymbayyna batyp túrghan joq. Dәl osynday jaghday Qostanay, Sarykól jәne Taran audandarynda da oryn alghan. Oghan osy atalmysh qala men audandardyng basshylyghynyng selt eter týri bayqalmaydy. «Jany ashymastyng qasynda basyng auyrmasyn» degen osy shyghar.

Bizdi әsirese oblystyng qala syrtyndaghy «Altyn gýl» lagerining jayy qatty alandatady. Ol negizinen jetim jәne ata-anasynyng qamqorlyghynsyz qalghan balalardy sauyqtyrugha arnalghan. Mine, búl lagerding de jóndeu júmystaryn kórmegeli kóp boldy. Býgingi jayy adam shoshyrlyq.

Búl sharua der kezinde qolgha alynbaghandyqtan, ol sozylmaly aurudyng jaghdayyna ainalyp ketti. Budjette ony kóteretin qarjy joq. Oghan bólingen qarjy dym mardymsyz. Bar ýmit búghan memlekettik-jeke seriktestikke tartu edi. Búghan kәsipkerlerding onsha yntasy bolmay otyr. Osynday ary iyterip, beri jyghudyng saldarynan oblysymyzdaghy balalardy sauyqtyru lagerlerining basyna búlt ýiirilip túr. Býite berse, ol lagerlerden mýldem aiyrylyp qalatyn jaghdayymyz bar.

Jaybergen Bolatov, Qostanay

Abai.kz