Tayauda Almaty qalasynyng Nauryzbay audanynda №36 qalalyq emhananyng túsauy kesildi. Eng qyzyghy, emhana memleket tarapynan emes, belgili kәsipkerding óz qarjysyna túrghyzylyp, sosyn qarapayym júrtshylyqtyng qoldanysyna berildi. Búl isin Elbasy Núrsúltan Nazarbaevtyng «Bolashaqqa baghdar: ruhany janghyru» maqalasyndaghy «Tughan jer» baghdarlamasy ayasynda arnayy jýzege asyrghan kәsipker – Tavabir Hayrullaúly.

Ashylghan kýnnen bastap mekeme qaladaghy eng myqty emhanalardyng qataryna enip ýlgerdi. Sebebi, ol europalyq standartqa sәikes zamanauy qúraldarmen jabdyqtalghan jәne joghary dәrejeli mamandar qyzmet etedi. Kardiolog, pediatr, allergolog, mammolog, urolog, terapevt dep tizbektep kete beretin qajet mamandardyng bәri bar.

Jana emhananyng taghy bir ereksheligi – әrtýrli әleumettik toptardyng mýddesining eskerilgeni. Mýmkindigi shekteuli jandargha arnayy syrghyma baspaldaq, jedelsaty men sanitarlyq toraptar salynghan. Olar emhananyng tórt qabatynda da bar.

Ádette, emhanagha kelgen emdelushilerding biraz uaqyty tirkelip, kezek alugha, dәrigerding qabyldauyna jazylugha ketip qalady. Múnda onyng bәri elektrondy týrde. Kýndiz-týni qyzmet etetin call-sentr, sonday-aq nauqasqa jedel kómek kórsetuge arnalghan brigada júmys isteydi. Ózderi jýrip-túra almaytyn emdelushilerdi onaltu ýshin ashylghan arnayy kabiynet te bar.

Qanday da bir derti bastalyp kele jatqan kezinde anyqtau onyng tez әri qúlan-taza aiyghyp ketuine әser etedi. Osy tústa tútas aghzany UDZ-diagnostikadan ótkizu әli de bolsa tekseruding eng tiyimdi tәsili bolyp otyr. Alghashqy dәrigerlik kómek kórsetip qana qoy­may, emhana sonymen qatar Nauryzbay audanyndaghy skriningtik ortalyqqa ainaldy. Tik ishek pen asqazanda endi ghana payda bolyp kele jatqan qaterli isikti zertteu de osy ortalyqta jýrgiziledi. Keude men ish rentgen diagnostikasy óz aldyna bólek ashylghan.

Emhanany túrghyzghan «Zavod ELEKTROKABEL» JShS Diyrek­torlar kenesining tóraghasy Tavabir Chikaev búghan deyin de talay qayyrymdy is jasaghan. Atap aitqanda, ózi tughan Almaty oblysyndaghy Tóle by auylynan ýlken meshit pen myndaghan adamdy júmyspen qamtyghan zauyt saldyrghan. Sonday-aq Issyk balalar men jasóspirimder futbol klubynyng jas sportshylaryna túraqty týrde qoldau jýrgizip keledi. Biz ol kisimen jýzdesip, tildesudi jón kórdik. Últy bólek bolsa da, aghamyz ózining osy elde tuyp-óskenin maqtan etetin jәne tughan jeri men otandastaryna beyjay qaramaytyn bolyp shyqty.

– Tavabir Hayrullaúly, emhana saluynyzgha ne týrtki boldy?

– Kompaniyamyzdyng Almatyda qúrylys júmystarymen ainalysyp kele jatqanyna on shaqty jyldyng jýzi boldy. Negizinen, túrghyn ýiler men qosalqy stansalar salamyz. Elimiz boyynsha eng birinshi bolyp SIYP, kabelidi әue jelilerin shyghardyq. Qala әkimi Bauyrjan Baybek kәsipkerlerding basyn qosyp, «Tughan jer» baghdarlamasy ayasynda keybir әleumettik manyzy bar nysandardy salugha demeushi boludy úsynghanda ony birauyzdan qoldadyq. Sóitip, ózim Nauryzbay audanyna eng qajet bolyp túrghan emhana saludy úighardym. Audan halqynyng sany kýnnen-kýnge ósip kele jatqandyqtan, bir medisinalyq ortalyq qajet edi. Sózimizde túryp, bir auysymda 500 adamgha qyzmet etuge layyqtal­an emhana túrghyzdyq. Eng aldymen, múny sýiikti qalamyzdyng túrghyndary ýshin istedik. Yaghni, medisinalyq kómek qoljetimdi bolsyn, audan túrghyndary emdelu ýshin alysqa sabylmasyn dedik. Qúrylys qysta jýrdi, biraq sapaly әri әdemi boluy ýshin barymyzdy saldyq. Áriyne, Alla eshkimge dert bermesin, biraq ómir bolghan son, auyrmaytyn pende joq. Sol kezde nauqasqa bar jaghday jasalghan jana, qoljetimdi, zamanauy emhana mine, dayyn.

– Emhana qashan qalanyng qaramaghyna beriledi?

– Endigi berilip qoyghan. Biz qazir is jýzinde de, zang jýzinde de emhanagha esh qatysymyz joq. Alayda qúrylys júmysyna baylanysty densaulyq saqtau salasynyng ókilderi kelgende eshqaysysynan jaltarghanymyz joq. Sebebi, onyng tolyqqandy júmys istep ketui – eki jaqqa da ortaq mәsele. Medisinalyq jabdyqtar jetkizu, jalpy qúrylys barysynda kem-ketikter bolyp jatsa, barynsha olqylyqtyng ornyn toltyrugha tyrysamyz.

Qazaqstanda tuyp-óstim. Búdan basqa Otanym joq. Sondyqtan óz elimning túrghyndary, otandastaryma arnap emhana túrghyzu – men ýshin paryz ben maqtanysh. Osy sebepti, Nauryzbay audanyndaghy 500 adamdyq emhanany biz saldyq dep úyalmay aita alamyn. Mening oghan tikeley qatysym bar. Basqarma basshysy Uәlihan Ahmet­ly ekeumiz birneshe ret emhanany kórdik. Ondaghy maqsat – emdelushiler men qyzmetkerlerge jaqsy jaghday jasau. Maghan ol kisining әr nәrsege bayyppen qarap, ózin qarapayym ústaytyny únady.

– Osyghan deyin qaladaghy meshitterding birin, sportzalyn, futbol alanyn saldyrdynyz jәne eshqaysysyn mindet qylmadynyz. Múnyng bәrin paryzym dep bilesiz be?

– Elbasymyz Núrsúltan Nazarbaev ózining «Bolashaqqa baghdar: ruhany janghyru» maqalasynda «Kәsipkerler men sheneunikterding Otanyn ispen demeytin kezi keldi» degen bolatyn. Meninshe, búl – qalypty patriottyq tilek. Óz elimning patrioty retinde múny dúrys sanaymyn. Osynday eli ýshin kóp nәrse istegen Elbasynyng baryna rizamyn. Shynynda biz siyaqty qala, el biznesmenderi tәuelsiz Qazaqstangha alghys bildiru ýshin bir nәrse isteuimiz kerek. Búl – paryzymyz. Osy rette «Ruhany janghyru» qazaqstandyqtardyng sanasyn sergitip, el bolashaghynyng damuyna týrtki bolatynyna senimdimin.

Qayyrymdy is-әreketterdi eng aldymen, Alla razylyghy ýshin, sosyn tughan jer men onda ósip kele jatqan jas úrpaq ýshin isteu kerek. Halqymyz qashanghy em izdep shekara asady? Jaqsy dәrigerler, bilimdarlar men óz isining mamandary bizde de bar. Densaulyq saqtau salasy jaqsy damyp kele jatyr. Jana medisinalyq mekemeler salynyp, erekshe operasiyalar ózimizde de jasalyp jatyr.

Kәmshat ESJANOVA, emdelushi:

– Jana emhana bizge únady. Múnda tirkele sala dәrigerding qabyldauyna jazyldym. Osyghan deyin Aqjar auylyndaghy emhanada tirkelgenmin. Ol jaqqa baru, әsirese, saraptama tapsyru kezinde óte qiyn boldy. Erte túru kerek, onyng ýstine, qalanyng sol bóliginde keptelis óte kýshti. Jarty kýnim ketetin. Qazir raqat, emhana ýiding qasynda, óte ynghayly, әsirese, qarttar men balalargha. Bizge osy emhanany salyp berip, qayyrly is jasaghan mesenatqa shyn jýrekten alghys aitqym keledi.

Meruert KÁRIBAEVA, emdelushi:

– Biz otbasymyzben múnda tirkelip qoydyq. Emhana ghimaratynyng aumaghy ýlken, zamanauy qúrylghylardyng kóptigi quantady. Ony paydalanatyn mamandar da jetkilikti. Qala әkimine, osy emhanany saldyrghan kәsipker aghamyzgha, ony jýzege asyrghan әrbir azamatqa raqmet aitamyz. Qaltasy qalyng azamattardyng halyqty oilay bastaghany quantady. Biz osyghan deyin onday adamdardyng meshit, sport alandaryn saldyrghanyn estisek te, emhana túrghyzghanyn birinshi ret úshyratyp túrmyz. Búl – jaqsylyqtyng nyshany.

Berik Amanhan

Abai.kz