Isakov: Qazaqstan shekara mәselesin sheshedi dep ýmittenemiz
Qyrghyzstan premier-ministri Sapar Isakov 25 qazanda Erevandaghy Euraziya ýkimetaralyq kenesining otyrysynda qazaq-qyrghyz shekarasyndaghy jaghdaygha qatysty pikirin aitty.
- Biz premier-ministrler dengeyinde búl mәseleni sheshu ýshin kelissóz jýrgizip jatyrmyz. Eki el shekarasyndaghy keybir kedergiler joyyldy. Ol ýshin Qazaqstangha alghys aitamyz. Biraq búl mәsele tuyndamauy kerek edi. Sebebi eki el arasyndaghy kelisimge say jýk tiyegen qyrghyz kólikteri shekarada túryp qalmay kedergisiz ótui tiyis. Euraziya ekonomika odaghynyng prinsipteri boyynsha tauar, kapital, qyzmet pen júmys kýshining qozghalysyna kedergi bolmauy kerek. Qazaqstan tarapy shekaradaghy mәseleni tolyq sheshedi dep ýmittenemiz,- dedi Isakov.
Erevandaghy otyrysta Qazaqstan premier-ministri Baqytjan Saghyntaevtyng Sapar Isakovpen kezdeskeni habarlandy.
10 qazannan bastap eki el shekarasynda tekseru kýsheytilip, Qazaqstangha ótetin adamdar men kólikter kezegi payda bolghan.
18 qazanda Astanada eki el premier-ministrleri kelissózder ótkizip, jolaushy kólikteri men jýgi bar adamdardy shekaradan ótkizudi onaylatu turaly uaghdalasqan. Búl kelissózden keyin tekseru beketinde kezek kýtken adamdar sany azayghan edi. Al 25 qazanda Qyrghyzstan shekara qyzmeti "Aq-tilek" shekara beketinde bes jýzge juyq jýk kóligi túrghanyn habarlady.
Abai.kz
