Qazirgi tanda ata-ana balasy «Alla» atyn auzyna alyp, namazgha jyghyla bastasa kәdimgidey qorqyp, qobaljityn jaghdaygha jetken. Qoghamdaghy týrli týitkil osynday jaghdaygha әkelgen. Búl jerde mәsele dinning ózinen emes, din atyn jamylushy teris pighyldylardyng qúityrqy әreketinen ushyghyp túrghan jayy bar. Dәriger mamandar últymyzgha jat aghymdar paydalanatyn amal-tәsilderding adam psihikasyna teris әseri baryn, tipti keybir jaghdayda olar adamdy jyndyhanadan bir-aq shygharatynyn nemese óz-ózine qol júmsaugha deyin aparatyndyghyn rastap otyr. Osydan keyin ata-ana syrtta jýrgen balasyna qalay alang bolmasyn?

Elimizding ata zanynda ar-ojdan bostandyghy turaly, dinge jәne diny nanymgha baylanysty kemsituge bolmaytyndyghy, sonday-aq qanday din bolmasyn, azamattardyng erekshelikterine qaramastan teng qúqyly ekendigi jazylghan. Degenmen, songhy birneshe jylda qalyptasqan elimizdegi diny ahual zandyq jaghynan bolsyn, diny sauattylyq túrghysynan bolsyn biraz sharalardy qabyldau kerektigin dәleldedi deuge bolady. Osy orayda jastardyng qúqyqtyq jәne diny sauattylyghyn jetildiru baghytynda әli de atqarylar sharalar kóp. Olay bolatyny, qazirgi dәstýrli emes dep atap jýrgen diny aghymdardyng negizgi nazary jastargha baghyttalyp, olardyng qataryn kóbinese jastar toltyryp otyr. Qazirgi diny ahual kýrdeli әri san-salaly. Mәselen, 1989 jylghy 1 qantarda 30 konfessiyagha tiyesili 700-ge juyq diny birlestikter bolsa, 2003 jyldyng 1 qantarynda 3206 diny birlestikter júmys istegen. 2012 jylghy qayta tirkeu sharasynan búryn elimizdegi tirkelgen úiymdardyng sany 4551-ge jetkeni belgili.

Elimizde protestanttyq jәne neoprotestanttyq shirkeulerding missionerlik qyzmetteri halqymyzdyng diny birligi men yntymaqty ómirine keri әserin tiygize bastady deuge bolady. Múnyng sebebi, bir últ ókilderining әrtýrli diny nanymda boluy últtyq tútastyqty, tipti bara-bara eldik tútastyqty saqtaugha orasan zor qauip tóndiredi. Dәstýrli emes diny aghymdardyng ókilderi, yaghny missionerler ózderining nanymdaryn taratuda әrtýrli әdis-tәsilderdi paydalanady. Negizinen zang ayasynda tirkelip, jariya týrde júmys atqarghan siyaqty kóringenimen, astarly týrde kóptegen júmystardy atqarady. Oghan qazirgi til ýiretu kurstarynyn, qayyrymdylyq qorlarynyng kóbeyip ketui, sol arqyly ózderine jaqtastardy tauyp jatqandyghy kuә. Sonymen qatar, zaman talabyna say oqu oryndaryn qúru, sol arqyly ózderi qalaghan mamandar men adamdardy dayarlap shyghu da missionerlerding batyl qoldanatyn tәsili bolyp tabylady. Yaghni, Qazaqstan territoriyasynda da jeke oqu oryndarynyng qatarynda osy maqsatta júmys istep jatqardary barshylyq.

Bәrinen qorqynyshtysy – «ruhany ajdahalardyn» mektep qabyrghasyndaghy  balaqandargha qol saluy. Onda «jasóspirimderdi arbaghandar qatarynda salafiyt, uahabizm siyaqty diny birlestikter men protestanttyq ilimder de bar. Psihologtardyng aituynsha, diny aghym arbauynan aiyghu ýshin bir adamgha kem degende eki jyl qajet eken. Onda da bóten ilimge әli tereng boylamaghandar ýshin. Al sana-sezimine biylik jýrgizuden aiyrylghandar sol pir tútqan jamaghattyng qúlyna ainaldy dey beriniz. Biraq psihologtar eshqashan qol jayyp, ýmitten kýder ýzuge bolmaytynyn eskertedi. Mamandar múnday jaghdayda jataqtyng jetegine ketkendi keri qaytara alatyndardyng biri eng jaqyn adamdary ekenin aitady.

Ghalamdanu zamanyndaghy basty qater – ashyq-shashyqtyghymyz. Osy úrymtal tústy paydalanushy mysyq tileu missionerler últymyzgha jaqyn islam dini atyn jamylyp kez kelgen baghyt boyynsha, sonyng ishinde ghalamtor arqyly da jastarymyzdyng sanasyn ulap, qoghamymyzgha iritki salyp baghuda. Osydan birer jyl búryn «Elimizdegi jastardyng 60 payyzy (!) týrli diny aghymdardyng jeteginde jýr» degen mәlimetter de payda boldy. 60 payyz – aitarlyqtay qomaqty kólem, búl jastarymyzdyng teng jartysynan kóbisi degen sóz. Al sanasy bóten pighyldylardyng yqpalymen әbden ulanghan jastan ne kýtuge bolady?... Últ bolashaghyn oilaghan úranshyl jastar úly joldan adaspasa iygi edi...

Gýljayna Altynbekova

Abai.kz