Búdan búryn habarlaghanymyzday, Óskemendegi «Edeliveys» qonaq ýy keshenining mәjilis zalynda «Jeksenbilik mektepterde qazaq tili men elimizde ómir sýrip jatqan etnos tilderin jedeldete oqytudaghy әdis, tәjiriybe, innovasiya» taqyrybynda respublikalyq seminar-trening ótti.

Seminar etnomәdeny ortalyqtar janyndaghy jeksenbilik mektepterde qazaq jәne ana tilderin oqytudyng әdistemesin jetildiru, ozyq tәjiriybeni zerdeleu jәne qorytu, oqytudyng innovasiyalyq әdisteri men tehnologiyalaryn tәjiriybege engizu maqsatynda úiymdastyrylghan. Atalmysh sharagha Sh.Shayahmetov atyndaghy tilderdi damytudyng respublikalyq ýilestiru-әdistemelik ortalyghynyng diyrektory, filologiya ghylymdarynyng kandidaty Erbol Tileshov, «Memlekettik tildi ýiretu elitalyq kursy» mәdeny mekemesining diyrektory Sәule Baqtybaeva, Kóptildi bilim berudi damytu ortalyghynyng diyrektory, dosent Sәule Asanbaeva, әdisker ghalymdar, til mamandary men jeksenbilik mektep oqytushylary qatysty.

Seminar-treningke qatysqan qonaqtar Óskemendegi «Vozrojdeniye» jeksenbilik mektebining júmysyn erekshe atap ótti. Memlekettik tilmen qatar toghyz tildi tegin ýirenuge mýmkindik beretin, ózining jeke ghimaraty men jarghysy bar búl bilim ordasy – respublikadaghy eng myqty jeksenbilik mektepterding birinen sanalady.

Seminar barysynda әdisker — ghalymdar tilderdi oqytudyng tiyimdi әdis-tәsilderimen jәne tehnologiyalarymen bólisti. Jeksenbilik mektep oqytushylary men respublikagha belgili ýzdik әdiskerler panoramalyq jәne sheberlik sabaqtaryn kórsetti.

Sonday-aq, qazaq tilimen qatar korey, ózbek, dýngen, grek, týrik, әzirbayjan, balqar tili múghalimderining qarqyndy oqytuda interbelsendi әdisterdi qoldanu jәne oqytudaghy innovasiyalyq tehnologiyalar jayly bayandamalary tyndaldy.

-Men Tarazdaghy №4 mektepte ózbek tili men әdebiyetinen jәne 1996 jyldan beri jeksenbilik mektepte memlekettik til-qazaq tilimen qatar tәjik, ózbek tilderinen sabaq berip kelemin. Múnday seminar-treningterding biz ýshin manyzy zor. Til bilimi salasyndaghy bilikti mamandarmen kenesemiz, ózge ónirlerdegi jeksenbilik mektepterding ústazdarymen súhbattasyp, tәjiriybe almasamyz. Týrli sheberlik sabaqtary ótip jatyr. Ár adam óz últynyng tilin, mәdeniyetin bilui tiyis. Jeksenbilik mektepte til ýirenem deushilerding jasyna shekteu joq. Tek mektep oqushylary ghana emes, ana tilin tereng bilgisi keletin eresekter de keledi,-deydi tarazdyq ústaz Úlbolsyn Hadyrbaeva.

-Elbasy jýrgizip otyrghan memlekettik sayasattyng arqasynda elimizde Qazaqstan halyqy Assambleyasy júmys isteydi. Jeksenbilik mektep múghalimderine arnalghan búl seminardyng mәni zor. Sheberlik sabaqtaryndaghy әdis-tәsilder men ozyq tәjiriybeler ong nәtiyjesin beredi dep senemin. Memlekettik tildi biletin, syilaytyn halyqqa ainalsaq, enbegimizding jemisi sol bolmaq,-dedi Erbol Erdembekúly.

Abai.kz