Últtyq qordyng 22 milliard dollaryna salynghan sanksiya kýshin joydy. Búl turaly QR Ádilet ministrligi mәlimdedi.

23-qantar kýni Amsterdamnyng Okrugtik soty Qazaqstan Últtyq bankining New York Mellon (BK.N) bankinde saqtalghan Últtyq qor qarjysyn búghattan shygharu turaly ótinishin oryndaghan.

Resmy mәlimet boyynsha, sot proseske ýshinshi tarap retinde qatysyp jatqan Últtyq bank pen әdilet ministrligining ústanymymen kelisip, Últtyq qor aktivterine qolsúghylmauy tiyis dep úigharghan.

Esterinizde bolsa, osyghan deyin moldovalyq kәsipker Statiyler Qazaqstannyng Últtyq qoryndaghy 22 milliard dollar aqshany AQSh soty arqyly búghattaghan edi.

AQSh-tyng "New York Mellon" (BK.N) banki Qazaqstannyng Últtyq qoryna tiyesili 22 milliard AQSh dollary kólemindegi aktiyvin búghattaghan.Búl sheshim Qazaqstan ýkimeti men moldovalyq investordyng arasyndaghy dau órshigen kezde qabyldanghan.

Moldovalyq kәsipker Anatol (Anatoliy) Staty men oghan tiyesili birneshe kompaniya Qazaqstan ýkimetin ózderin shyghyngha úshyratty degen aryz boyynsha búghan deyingi bir sotta jenip shyqqan. Banktegi derek kózining aituynsha, endi aryzdanushy shyghynyn óteu turaly shaghym týsirip, Qazaqstannyng múnay tabysynan qúralghan Últtyq qorynyng 40 payyzyn búghattaugha qol jetkizgen. Búl 500 million dollardyng isi.

Astana 500 million dollardy óteuden bas tartyp, AQSh-tyng federaldy sotyna shaghymdanghan.

Ádilet ministrligining aqparaty boyynsha, «Niyderlandynyng sot organdary búghan deyin Statiyding búl aktivterdi búghaulau turaly ótinishin oryndaudan bas tartqan, Staty búl faktilerdi jasyryp, sotty shatystyrghan». Ministrlik sot osyghan baylanysty Statiyge "Qazaqstan jaghyna sot shyghynyn óndirip berudi mindettegenin" aitady.

Núrzat Toghjan

Abai.kz