ۇلتتىق قوردىڭ 22 ميلليارد دوللارىنا سالىنعان سانكتسيا كۇشىن جويدى. بۇل تۋرالى قر ادىلەت مينيسترلىگى مالىمدەدى.

23-قاڭتار كۇنى امستەردامنىڭ وكرۋگتىك سوتى قازاقستان ۇلتتىق بانكىنىڭ New York Mellon (BK.N) بانكىندە ساقتالعان ۇلتتىق قور قارجىسىن بۇعاتتان شىعارۋ تۋرالى ءوتىنىشىن ورىنداعان.

رەسمي مالىمەت بويىنشا، سوت پروتسەسكە ءۇشىنشى تاراپ رەتىندە قاتىسىپ جاتقان ۇلتتىق بانك پەن ادىلەت مينيسترلىگىنىڭ ۇستانىمىمەن كەلىسىپ، ۇلتتىق قور اكتيۆتەرىنە قولسۇعىلماۋى ءتيىس دەپ ۇيعارعان.

ەستەرىڭىزدە بولسا، وسىعان دەيىن مولدوۆالىق كاسىپكەر ستاتيلەر قازاقستاننىڭ ۇلتتىق قورىنداعى 22 ميلليارد دوللار اقشانى اقش سوتى ارقىلى بۇعاتتاعان ەدى.

اقش-تىڭ "New York Mellon" (BK.N) بانكى قازاقستاننىڭ ۇلتتىق قورىنا تيەسىلى 22 ميلليارد اقش دوللارى كولەمىندەگى اكتيۆىن بۇعاتتاعان.بۇل شەشىم قازاقستان ۇكىمەتى مەن مولدوۆالىق ينۆەستوردىڭ اراسىنداعى داۋ ورشىگەن كەزدە قابىلدانعان.

مولدوۆالىق كاسىپكەر اناتول (اناتولي) ستاتي مەن وعان تيەسىلى بىرنەشە كومپانيا قازاقستان ۇكىمەتىن وزدەرىن شىعىنعا ۇشىراتتى دەگەن ارىز بويىنشا بۇعان دەيىنگى ءبىر سوتتا جەڭىپ شىققان. بانكتەگى دەرەك كوزىنىڭ ايتۋىنشا، ەندى ارىزدانۋشى شىعىنىن وتەۋ تۋرالى شاعىم ءتۇسىرىپ، قازاقستاننىڭ مۇناي تابىسىنان قۇرالعان ۇلتتىق قورىنىڭ 40 پايىزىن بۇعاتتاۋعا قول جەتكىزگەن. بۇل 500 ميلليون دوللاردىڭ ءىسى.

استانا 500 ميلليون دوللاردى وتەۋدەن باس تارتىپ، اقش-تىڭ فەدەرالدى سوتىنا شاعىمدانعان.

ادىلەت مينيسترلىگىنىڭ اقپاراتى بويىنشا، «نيدەرلاندىنىڭ سوت ورگاندارى بۇعان دەيىن ءستاتيدىڭ بۇل اكتيۆتەردى بۇعاۋلاۋ تۋرالى ءوتىنىشىن ورىنداۋدان باس تارتقان، ستاتي بۇل فاكتىلەردى جاسىرىپ، سوتتى شاتىستىرعان». مينيسترلىك سوت وسىعان بايلانىستى ستاتيگە "قازاقستان جاعىنا سوت شىعىنىن ءوندىرىپ بەرۋدى مىندەتتەگەنىن" ايتادى.

نۇرزات توعجان

Abai.kz