Reseydegi Qazaqstan elshiligining 13 aqpanda habarlauynsha, 1994 jyly tughan Qazaqstan azamaty Viktor Filinkov 25 qantarda ústalghan, qazir Peterburg abaqtysynda otyr.

"Bas konsuldyq Reseyding syrtqy ister ministrligining Sankt-Peterburgtegi ókildigine jәne Reseyding qúzyretti organdaryna jýginip, Qazaqstan konsulyn qazaqstandyq azamat Viktor Filinkovpen kezdestiruge qolghabys etuin, oghan konsuldyq-qúqyqtyq kómek kórsetuge rúqsat beruin súraghan. Qazirgi uaqytqa deyin Resey biyliginen jauap kelgen joq. Júmys jýrip jatyr", — delingen baspasóz qyzmetining habarlamasynda.

Aqparat qúraldarynyng Filinkovtyng әieline silteme jasap habarlauynsha, ol 23 aqpanda keshke "Pulkovo" әuejayyna bara jatqan jolda joghalghan. Filinkov Kiyevke úshuy kerek bolghan.

Týrmege tekseruge kelgen Qoghamdyq baqylau komissiyasynyng mýshelerine Filinkov ózin әuejayda ústaghannan keyin azaptaghanyn aitqan. Komissiya qújattaryna qaraghanda, Filinkovtyng denesinde elektroshokermen kýidirgen kóptegen izder qalghan. Kýdiktining aituynsha, Federaldyq qauipsizdik qyzmetining adamdary men betine maska kiygender ony ormangha alyp barghan. Filinkovtyng aituynsha, ony moyyndau mәlimdemesin alu ýshin azaptaghan.

Sankt-Peterburgtegi sot 25 qantarda kýdikti Filinkovty eki ay qamauda ústau sheshimin shyghardy. Tergeu núsqasy boyynsha, Filinkov pen "bilgisiz bireuler" "terroristik qyzmet, nasihat, sonday-aq terrorizmdi jaqtau jәne oghan qoldau kórsetu" maqsatynda top qúrghan.

Abai.kz