Júrt «Preziydent «Ýkimet pen Parlament qazaqsha sóilesin» dedi» dep mәz bolyp jatyr, al men dal bolyp otyrmyn.

Birinshiden, búl mәsele sózben emes, zanmen sheshilui kerek. Eger Preziydentting sózi Jarlyq retinde shyqsa ghana, «shýkir» deuimizge bolady. Sóz aitylady da, qalady...

Ekinshiden, Qazaq elining Ýkimeti men Parlamenti Preziydent aitpasa, memleket tilde sóilemeydi eken degen tújyrym jasaugha әbden bolady eken. Búl – osy eki organnyn, ony basqaryp otyrghan adamdardyng patriottyqtan, memleketshildikten júrday ekendigining dәleli.

Ýshinshiden, eger Preziydentting aitqanyn osy eki memlekettik organ jýzege asyrsa (oghan ýlken kýmәnim bar, sebebi «ilespe audarma jasau mýmkinshiligi әli jasalghan joq» degen syltau dayyn túr), búl - qazaq qauymynyng ólgeni. Demokratiyalyq elde Halyq Preziydentke aitqanyn jasatady, al búl jerde, kerisinshe, Preziydent Halyq ókilderine núsqau berip otyr. Demek kelesi bir Preziydent «qytaysha sóilender» dese, ertenine Ýkimet pen Parlament qytaysha sóileuge kóshedi degen sóz! Bile bilsek, búl - asa qauipti de qorqynyshty qadam!

Óz basym, eshbir elde, eshbir jerde memlekettik tili bar elding Ýkimeti men Parlamentine memlekettik tilde sóileu kerek degen ýndeudi estimeppin.

Abai.kz