Qazaq tili dialektologiyasy ghylymynyng negizin qalaushylardyng biri, QR Últtyq Ghylym Akademiyasynyng akademiygi, professor Shora Shamghaliyúly Sarybaev 94 jasqa qaraghan shaghynda qaytys boldy.

Qayghyly habardy Shora Sarybaevtyng tuystary men әriptesteri әleumettik jelide habarlady.

«Bar ghúmyryn ana tili ghylymyna arnaghan Shora Shamghaliyúly 60 jylday A.Baytúrsynov atyndaghy Til bilimi Institutynda enbek etip, ondaghan ghylym doktory men kandidattaryn tәrbiyelep, artynda otyz tomnan astam fundamentaldyq enbek qaldyrdy. Avtordyng qazaq tili grammatikasy, leksika, leksikografiya, dialektologiya, til bilimi tarihy men esimnamany qamtityn «Qazaq til bilimi mәseleleri» monografiyasy ana tilimizding hrestomatiyasyna ainaldy. Songhy demi tausylghansha qolynan qalamy týspegen Sh.Sh Sarybaydyng enbekteri ózbek, arab, qyrghyz, tatar, týrik, әzerbayjan t.b. tilderge audarylyp, týrki tilderining damuyna da eleuli ýles qosty», - dep jazdy Halyqaralyq adam kapitaly institutynyng basshysy Janúzaq Ákim akkauntynda.

Shora Shamghaliyúly Sarybaev 1925 jyly 2 nauryzda Tashkent qalasynda dýniyege kelgen.

Til bilimi mamany, filologiya ghylymy doktory (1974 j.), professor. (1979 j.),  QR ÚGhA korrespondent mýshesi, (1983 j.), Qazaqstannyng enbek sinirgen ghylym qayratkeri (1985). Onyng ghylymy zertteu enbekteri dialektologiya, morfologiya, leksikologiya, leksikografiya, bibliografiya, til tarihy, audarma, esimnama, altaistika mәselelerine arnalghan. 250-den astam ghylymy maqalalary men oqulyqtary, monografiyalary jaryq kórgen. S.Amanjolovtyng tildegi dialektilerdi toptau teoriyasyn әri qaray damytyp, dialektologiya salasyndaghy terminderding qalyptasuyna atsalysqan. "Qazaq tilining qysqasha etimologiyalyq sózdigin" (1966), "Qazaq tilining dialektologiyalyq sózdigin" (1969), "Jana ataular sózdigin" (1992) qúrastyrugha qatysqan. 1965 jyly AQSh-taghy Garvard korporasiyasynyng mýsheligine saylanghan, GFR-da (1975), Týrkiyada (1994) ótken halyqaralyq kongress, konferensiyalarda bayandamalar jasaghan. Marqúmmen qoshtasu rәsimi 3 mamyr kýni saghat 10.00-de Almatydaghy Ghylym Akademiyasy ghimaratynda (Qúrmanghazy kóshesi, 29-ýi) ótedi.

Abai.kz