Kýni keshe ghana «Abai.kz» aqparattyq portalynda «Masqara! Almaty әuejayy. Shekaralyq baqylau qyzmeti jýkti әieldi keri qaytardy» atty maqala jariya boldy. Onda Núrseyit Tólegenúly esimdi Qazaqstan azamatynyng ekiqabat әielin Almaty әuejayyndaghy shekaralyq baqylau qyzmetining elden deportasiyalaghany bayandaldy.

Oqighanyng qysqasha mazmúny bylay: 2 mamyr kýni tanghy 03:20 shamasynda Núrseyit Tólegenúly, әieli Jaynagýl Ghajapqyzy jәne 1,5 jasar úly Mysyrdan Almaty әuejayyna kelip qonady. Jaynagýl QHR azamatshasy. Qazaqstandy jýrip-túruy ýshin berilgen Yqtiyarhaty bar. Yqtiyarhattyng jaramdylyq merzimi 2021 jyly ayaqtaluy tiyis bolghan. Alayda búlar Qazaqstan aumaghynda 183 kýnnin artyq uaqyt bolmaghandyqtan, Jaynagýlding Yqtiyarhaty avtomatty týrde jaramsyz dep tanylghan. Áuejaydaghy shekara qyzmeti solay dep týsindirgen. Osylaysha Núrseyitting ózin jәne 1,5 jasar úlyn elde qaldyryp, jýkti әielin sol kýni Mysyrgha qaytaryp jibergen. Búl jayly myna siltemeden tolyq oqy alasyzdar. http://abai.kz/post/69884

Núrseyitting basyna týsken auyr jaghdaydy tolyq bayandaghan maqala «Abai.kz» aqparattyq portalyna jariyalandy. Ile-shala búl mәsele qoghamdyq pikir tudyryp, basqa da aqparat qúraldary atalghan maqalany jariyalap basty. Atap aitsaq, «qazaquni.kz», «dalanews.kz», «kaz.365info.kz», «talqy.kz», «minber.kz», «adyrna.kz» sayttary Núrseyitting mәselesin qogham talqysyna úsyndy.

Sonday-aq, búl mәselege әleumettik jeli qoldanushylary da ýn qosyp, talqy jasady. Materialdy bólisken júrttyng qarasy kóp.

Býgin Almaty Halyqaralyq әuejayynda ornalasqan Keden qyzmetine habarlastyq. Áuejaydaghy Kedendik qyzmet mamany Ermek Bolatbekúly degen azamat, búl iske Keden qyzmetining qatysy joq ekenin aitty.

«Búl iske Keden qyzmetining týk qatysy joq. Jekelegen adamdarmen ainalyspaymyz. Ol kisi shekaralyq tekseristen ótu kezinde ústalghan ghoy. Shekara qyzmetkerleri adamdardyng qújattaryn tekseredi. Solar biledi búl isting mәn-jayyn», - dep jauap qayyrdy.

Ermek Bolatbekúly úsynghan kontakti boyynsha Almaty әuejayyndaghy shekara qyzmetine habarlastyq. Telefon tútqasyn orys tilinde sóileytin bir kelinshek kóterdi. Áuejaydyng shekara qyzmeti telefon arqyly kenes, aqparat bermeytinin aitty.

«Biz telefon arqyly aqparat nemese kenes bermeymiz. Biz 24 saghat boyy júmys jasaymyz. Almaty Halyqaralyq әuejayynyng 2 qabatyndaghy Halqaralyq úshu beketinde ornalasqanbyz. Sol jerge kelip, ózinizge kerek tilde aqparat ala alasyz», - dep qysqa qayyrdy.

Maqúl biz baramyz. Kerekti aqparatty alamyz. Al Mysyrgha qaytarylghan Jaynagýlding endigi taghdyry ne bolmaq? Biz tek boljap aita alamyz. Áriyne, Mysyrgha jetken Jaynagýlding túrghylyqty tirkeui Qytayda. Ony Qytaygha jiberedi. Al Qytayda Jaynagýldi sózsiz «oqu-ýiretu lageri» nemese týrme kýtip túrghany anyq.

Aytpaqshy, «Abai.kz» aqparattyq portalynda atalghan jariya bolysymen, Almaniyadaghy qandasymyz Ómirhan Altyn habarlasty, redaksiyamyzgha. Dausynda diril bar.  Atalghan mәselege qatysty ózining pikirin bildirdi.

Ómirhan Altyn, Almaniyadaghy qazaq:

- «Abai.kz-ten» anau Egiypetke qaytaryp jibergen ekiqabat әielding jaghdayyn oqyp, qanym basyma shapshyp túr. Bauyrym, yzadan qan qúsyp otyrmyn. Mynau netken masqara jaghday! Búl baryp túrghan satqyndyq, qazaqqa jasalghan qiyanat qoy. Qazaqtar el bolyp, júrt bolyp, Qytaydyng qysymynan qashyp, elim dep kelgende, kishkentay sәbiyinen, joldasynan aiyrylyp, óz Atamekeninen quylghan anau ekiqabat әieldi, qany qazaq bir adamdy óz Otanyna dereu qaytaru kerek. Qazaqstannyng Syrtqy ister ministrligi bir shara qoldanuy kerek. Onsyz da Qytaydyng qysymynan qashyp kelgen az qazaqty qashanghy qualay bermek?

Búghan kim jauapker? Sol adamdar anyqtaluy jәne jazalanuy tiyis. Ol Atamekenine keldi. Ony keudesinen iyterip, jau kórgendey kelgen betimen keri quyp jiberu úyattyng úyaty ghoy.

Ábdirashit Bәkirúly, filosof:

- Masqarany oqyp shyqtym. Shekara qyzmetkerleri óz qúqyn asyra paydalanyp jibergen synayly. Jaynagýl elge kontorbandalyq tauar әkelip jatsa, әngime bir bólek. Meni oilandyrghany, nege bizding aeroportta migrasiyalyq polisiyasynyng ókili joq? Bar bolsa, iske sol aralasyp, Yqtiyar hat sharty búzylghany jóninde hattama toltyryp, sheshim qabyldauy kerek edi.

Onyng ýstine, Jaynagýlding Qazaqstan azamatymen túrghan neke kuәligine, odan tughan balanyng pasportyna, dәrigerlerding anyqtamasyna qalaysha nazar audarylmaghanyna tang qalasyn.

Jalpy, osynday jaghdayda, aeroport aimaghynda onday azamattardyng qúqyqtyq mәselesi sheshilgenshe olardy oqshaulap ústaytyn arnayy «shegaralyq aimaq» boluy kerek siyaqty. Birden qaytaryp jibergenderi dúrys bolmady. Úshaqqa tólegen aqshagha Jaynagýldi aeroport aimaghynda, mәsele anyqtalghansha ústaugha bolatyn edi. Endi, shekarashylardyng qyzmeti qate ekeni anyqtalsa, onda osyghan ketken shyghyndy Shekara qyzmeti tóley me, әlde, qatelik jibergen shekarashy óz qaltasynan tóley me? Qyzyqtyng kókesi sonda bolayyn dep túr! Halyqtyng aqshasyn әrbir sauatsyz sheneunikting qateligin jabu ýshin júmsay bersek - Qazaqstan budjetinen kók tiyn qalmaytyn shyghar...

Núrgeldi Ábdighaniyúly

Abai.kz