Fahriddin Tillyaev Ózbekstan Jogharghy sotynyng sheshimi negizinde bostandyqqa shyqqanyn aitty. "Mening bosaghanymdy habarlady, sot anyqtamasymen tanystyrdy, qújattargha qol qongymdy súrady, sosyn kóshege shyghardy", - dedi ol.

Eske salayyq, 2014 jyly 6 nauryzda Tashkent qalasynyng qylmystyq ister jónindegi Shayhontohur audandyq soty Fahriddin Tillyaevti 10 jyl jәne 8 aigha týrmege qamaghan. Onymen birge taghy bir ózbek belsendisi Nýriddin Júmaniyazov 8 jyl jәne ýsh aigha sottalghan. Sot búl ekeuin de adam saudasymen ainalysty dep aiyptady. 2016 jyly 31 jeltoqsanda Nýriddin Júmaniyazov týrmede qaytys boldy.

Tillyaevting әriptesteri tórt jyl boyy oghan qarsy isting qoldan úiymdastyrylghanyn, isting sayasy astary baryn aityp keldi. Halyqaralyq adam qúqyqtaryn qorghau úiymdary Tillyaevti týrmede azaptaghany turaly habarlaghan.

"Meni azaptady. Sotqa deyin azaptady. Azaptau týrmede de toqtaghan joq. Meni qinady, qysym kórsetti. Mysaly, tyrnaq astyna jәne ayaq sausaqtarynyng arasyna iyne tyqty. Tyrjalanash sheshindirip, ayazdy kýnderi kóshege quyp shyghardy, múzday su shashty. Shynshyrmen tabannan úrdy. Alty adam meni azaptady, menimen bilgenin istedi. Men týrmede ótkizgen kýnderime ókinemim. Óitkeni men bostandyghymnan, erkindigimnen, bәrinen airyldym", - dedi adam qúqyghyn qorghaushy.

Sottalghangha deyin Fahriddin Tillyaev pen Nýriddin Júmaniyazov mardikorlar - qara júmysshylardyng tәuelsiz kәsipodaghyn qúryp, enbek migranttarynyng qúqyqtaryn qorghaumen shúghyldanghan. Týrmeden shyqqan kýni Tillyaev adam qúqyqtaryn qorghay beretinin mәlimdedi. "Men úiym júmysyn jalghastyrghym keledi. Ádiletsiz sottalghan din ókilderining qúqyqtaryn qorghap, solardyng sottaryna qatysqym keledi", – dedi ol.

Abai.kz