«Aq jol» demokratiyalyq partiyasynyng kóshbasshysy Azat Peruashev qazaqstandyq jemqorlardyng ofshorlyq aimaqtaghy qarajatyn elge qaytaru boyynsha Mәjilisting jәne Europarlamentting birlesken júmys tobyn qúrudy úsyndy.

Búl úsynysty 10-mamyrda Parlament Mәjilisinde ótken «Qazaqstan Respublikasy-Europalyq Odaq» parlamenttik yntymaqtastyq komiytetining XV otyrysy ayasynda Europalyq Parlament delegasiyasymen kezdesu barysynda mәlimdedi.

Azat Peruashev 2015 jyldyng 25 qyrkýieginde Komiytetting XIII otyrysynda Europarlament delegasiyasyna Europagha qashqan sybaylas jemqor sheneunikterding qarajatyn izdestiru jәne Qazaqstangha qaytaru jónindegi birlesken komissiya qúru turaly úsynys jasaghanyn da eske sala ketti.

«Sol kezde biz Europarlament deputattarynan halyqtan úrlanghan aqshany anyqtaugha jәne ony qaytarugha kómek kórsetuin súradyq. Biz qúqyq qorghau organdarynyng qyzmetin qaytalaudy úsynbaymyz. Qylmystyq qudalau - olardyng mindeti. Alayda, úrlanghan aqshany qaytaru jónindegi júmystyng nәtiyjesi óte az, mardymsyz ekenin kórip otyrmyz.

Sondyqtan da, Qazaqstangha jemqor sheneunikter úrlap ketken aqshany qaytaru Europarlamentpen ózara yntymaqtastyqymyzdyng manyzdy mindetine ainalmaq. Búl ýshin zannamalyq kedergiler bolsa - olarmen birlese otyryp júmys isteyik», - dep atap ótti deputat.

Peruashev europalyq tәjiriybede sybaylas jemqorlarmen zansyz úrlanghan nemese salyq saludan jasyrynghan qarajatty elge qaytaru mysaldary bar ekenin de tilge tiyek etti.

«Býginde biz investisiya, ekonomikalyq jәne әleumettik damu turaly, baylar men kedeyler arasyndaghy alshaqtyqty qysqartu mәseleleri turaly aityp jatyrmyz. Últtyq Bankting basshylyghy bergen mәlimetterge sәikes -100 milliard dollargha juyq qarajat, al halyqaralyq sarapshylardyng baghalauy boyynsha - 140 milliard dollar kóleminde qarajat Qazaqstannan zansyz shetelge shygharylghan. Mine, múnda investisiya, ekonomika jәne kedeylikpen kýresu degenning týpki  negizi osynda jatyr», - dedi Peruashev.

«Mening oiymsha, Qazaqstan búl mәselede Europarlamentting kómegine senim artugha qúqyly. Eki jyldan astam uaqyt ótti, biraq bizding bastamamyzgha әli kýnge deyin jauap joq. Sondyqtan men taghy da jemqor sheneunikter úrlaghan qarajatty elge qaytaru turaly Qazaqstan parlamentining jәne Europalyq Odaqtyng birlesken júmys tobyn qúrudy úsynamyn jәne býgingi otyrystyng hattamasyna osy úsynysty qosudy súraymyn », - dep óz sózin tәmamdady «Aq jol» kóshbasshysy.

Abai.kz