2010-2011jj. Qazaq radiosyndaghy "Qayyrly tan, Qazaq eli" tanghy baghdarlamasyn tikeley efirde jýrgizetin kezim. Mening ústanymym boyynsha, 3 saghattyq tanghy efirde keminde 3 shygharma halyq aspaptarynda oryndalu kerek. Atap aitqanda, qaytken kýnde de bir әn(dombyramen), bir terme, bir kýy berudi paryzym sanaushy em. Alghashqy aptalarda kedergisiz berildi. Keyinnen qarsylyqqa tap boldym. Baghdarlama jetekshisi rúqsat berip qol qoyyp bergen әn-kýilerge sol kezdegi bas redaktor(dau-damay, iritki bolmas ýshin atyn atamay-aq qoyayyn) "beruge bolmaydy" dep syzyp tastaytyn. Men qadala sebebin súradym. Onyng bergen jauaby: "tәnerteng berilgen dәstýrli әn-kýi, terme adamdardyng kónil-kýiin búzady". Kýlkimning kelgeni sonsha jarylyp kete jazdasam da sabyr saqtap til qattym: "men "elim-aydy", "qara pimany", t,b, berip jatqam joq qoy. Onyng ýstine, búrynghy babalar tandy-tangha jalghap әn salyp, kýy tartysyp, jyr jyrlaghanda qalay ghana kónili búzylmay aman qalghan?". "Aytqandy tyndap estradagha auystyr" dep "basshylyq lauazymyna say" núsqauyn berip shygharyp saldy...

Qazaqtyng radiosynda halyqtyng tól muzykalyq múrasy nasihattalamasa odan asqan qorlyq bolmas. Onyng ýstine sol kezdegi tanghy baghdarlama eng kóp tyndalatyn, tyndaushysy mol, qoghamdyq pikir qalyptastyru qauqary bar, ózgelerdi sanastyra alatyn dengeyde edi. Álgi núsqaumen toqtap qalmay dәstýrli әn-kýilerding ebin tauyp berip jýrdik. Onda da, "pәlen kompozitordyng tughan kýni edi, mereytoyyna oray tandap aldyq, eske alu keshi ótedi eken", – degen jeleumen taghy biraz uaqyt efirde halyqtyng múrasyn dәripteuge tyrystym.

Taghy bir kýni әlgi bas redaktor barlyq dәstýrli әndi syzyp túryp, "búlardy berme dedim ghoy" , – dep qatqyldau ýn qatty. Taghy da aqtay otyryp sebebin súradym. Ol: Astanadan "bermender, beruge bolmaydy, tyndarmannyng kónil-kýiin búzady dep jatyr", – dedi. "Naqty kim aitty?" – degen saualyma jauap qatpady. Tang qalmasqa, renjimeske shara joq. Ózi keyde qaybir әndi kóbirek berudi mindetteytini bar. Al dәstýrge kelgende aitary anau....

Sol kezdegi syzylyp qalghan әn kesteleri mende әli kýnge saqtauly. Keste týgili, qazaqtyng muzykalyq múrasyna degen qarsylyq ta kónilimnen ketken emes. Shynymen de, últtyq ónerdi nasihattaugha kim kedergi?

Jarqyn Sәlenúlynyng Facebook-tegi paraqshasynan

Abai.kz