Preziydent Nazarbaevtyng Qytaygha saparlap ketkeni jayly jazghan edik. Reseyding preziydenti Vladimir Putin de Beyjinde jýr, qazir. Shanhaygha mýshe elderding basshylary jiylyp, sammit ótkizedi. Qonaqtardy kýtip alushy QHR basshysy Shy Jipiyn. Ýy - sonyki.

Endi, Shanhaygha mýshe elder basshylarynyng jiyny әlemdik aqparattyng negizgi trendine ainalady. Áriyne, Pәkistan men Ýndistan qosylghanyn eskersek, 3 milliard adamy bar búl úiymnyng liyderleri ne dep, ne qoyatyny kim-kimge bolmasyn qyzyq.

Mine, sol jiyngha barghan Vladimir Putin birtýrli súhbat beripti.  Ormanday orysty 18 jyl basqaryp kele jatqan Volodya aghay, Shy tóraghany tughan kýnine shaqyryp, onymen birge araq ishkenin aitypty.

«Bәlkim, Shy Jiping tóragha mening tughan kýnimde menimen birge bolghan jalghyz liyder shyghar. Mening júmys grafiygim osy sәikes kelmey-aq qoyypty. Sondyqtan men óz tughan kýnimdi sheteldik әriptesterimmen atap ótpeppin. Al Shy Jiping tóraghamen atap óttik. Jasyratyny joq, bir-bir staqan araqy ishtik te shújyq turap tiske bastyq», depti Vladimir Putiyn.

Ótkende orystyng «Actualcomment.ru» deytin sayty ishimdikke ishi quys sayasatkerlerding esim-soylaryn tizip shyqqan edi. Endi, sol aqparatqa nazar búrynyz:

Jalpy orys basshylarynyng deni «aqana» әues bolyp keletini belgili. Olar ýshin araq-sharaptyng týr týri arnayy әzirlenetini de belgili. Mine, solardyng ishinde Vladimir Putin araqty kóp ishpeydi eken. Biraq syra simiruden bas tartpaytyn әdeti bar eken.

Orys aqparaty Volodya aghaydyng jii ishetini syrasy - Radeberger Pilsner ekenin jazady. Nemis markasy. Drezdenge jaqyn manda ornalasqan Radeberg deytin qalashyqta әzirlenetin búl syra zauyty Almaniyanyng eng ýzdik syra óndirushilerining alghashqy ondyghyna kiredi.

Al Volodya aghaydyng ong qoly, Reseyding zapastaghy preziydenti Dmitriy Medvediev – sharapqor. Ol Qyrym men Krasnodarda sharap zauytyn iske qosudy bastama etip kótergen. Al Putinning opponenti Aleksey Navalinyy Dmitriy Medvedievting menshiginde Italiyada ornalasqan sharap zauyty bar dep shulaydy.

Aytpaqshy, 2009 jyly dәl osy Dmitriy Medvediev G8 jiynyna preziydent mәrtebesinde qatysqan. Fotograftar Dәkenning jýris-túrysyn jiti baqylap otyryp, onyng mas ekenin anyqtaghan edi.

Resey Dumasyndaghy dýmshe-deputattardy jetektep jýrgen kәrisýiek, qubastardyng ekeui de ishkishter reytingisinde bar. Putin basqaratyn biylik basyndaghy «Ediniya Rossiyadan» ózge Jirinovskiyding LDPR-y, Zuganovtyng KPRF-y bar, solar jayly da aqparat shyqty.

«Oybay, bizding partiyadaghylardyng eshqaysysy araq degendi auzyna tatyp almaghan» dep an-su ishken Jirinovskiy araqqa әuestigi bar ekenin biz emes, orys aqparaty jazdy. Jirinovskiyding aq sugha sylqiya toyyp, eki qolyn erbendete sóilep, silekeyine shashalyp túrghan beynejazbalary әleumettik jelide jetip artylady.

Kommunisterding kósemi, endigi tórinen kóri jaqyn egde deputat Zuganov ta araqqúmarlyghyn ar sanamaydy eken. Keyde konyak ishetin kórinedi. «Actualcomment.ru» saytynyng jazuynsha, Gena atay, búryn jaqsy ishken. Tipti, mas bolyp, ózining shopyryn sabaghan. Qazir, shautartyp qaluyna baylanysty, ishudi qoyghan. Búl orys basshylarynyng býgingi qalpy.

Aytpaqshy, 2015 jyly Qazaqstannyng Parlamentinde araq mәselesi qyzu-talqygha týsken. Býginde jasy seksenge kelgen kommunist deputat Kosarev aghay, Qazaqstangha Reseyden zansyz kirip jatqan arzan araq otandyq araq óndirushilerdi qyp-qyzyl shyghyngha batyryp otyrghanyn aityp, dabyl qaqqan. Esimizde. Sol kezdegi ekonomika ministri, Erbolat Dosaevty dinkelep alghan.

«Zansyz arzan araqtyng saudadaghy baghasy 450 tenge. Otandyq aksiyzi bar araq 2,5 myng tenge. Búlar qalay kirgen? Ministr myrza, men sizge arzan araqtyng qay jerlerde satylatynyn kórseteyin» dep edi, egde jastaghy kommunist aghay.

2015 jylgha deyin Resey men Belarusiyadan әkelinetin alkogolidi ónimder el naryghynda erkin saudada jýrdi. Tek, 2015 jyldyng 1-mausymynan bastap, orystan keletin alkogolidi ónemderge shekteu qoyyldy. Áytse de, kýni býginge deyin orys júrty Qazaqstan naryghyna alkogolidi susyndar kirgizumen ainalysyp keledi.

Taghy bir qyzyq derek. Reseyde eng ishkish aimaqtyng reytingisin týzgen. Mine kórsetkishi:

Halyqaralyq «Tackling Harmful Alcohol Use» úiymy reytingisi boyynsha, Resey jastardyng ishimdikke salynuy faktisi eng kóp tirkelgen memleket atanghan. Búl 2015 jyl.

Al Putinning sayasiy-әkesi Boris Elisinning maskýnemdigi múqym elge aitpasa da mәlim aqpar.

Solay, mine. Taqyrypqa qayta oralayyq, dәl qazir Shanhay yntymaqtastyq úiymyna mýshe memleket basshylary Beyjinge bara jatyr. Úiymgha túraqty mýshe 8 el bar. Oghan baqylaushy elder men Halyqaralyq úiym basshylaryn qosynyz. ShYÚ elderding ortaq halqynyng sany 3 milliardtan asyp jyghylady.

Mine, osynday jiyngha qatysyp jatqan kórshi elding basshysy Volodya aghay, Shy tóraghany tórine shygharyp, qonaq qylghanyn, onymen qalay araq ishkenin aityp, aiday әlemge aqparlapty.

Al biz Qytay biyligining etnikalyq az últtargha jasap jatqan qatqyl sayasaty jayly az jazghan joqpyz. Ásirese, Qytaydaghy 1,5 milliongha juyq qazaqtyng qughyngha týsip, týrmege toghytylyp jatqany bizdi alandatady. Búl mәselege biz týgili әlem aqparaty alandaydy. Elding ýmiti basqa-basqy emes, Elbasynyng ózinde.

Núrzat Toghjan

Abai.kz