Qazaqstan Preziydenti Núrsúltan Nazarbaev qazaqstandyqtardy Oraza ait merekesimen qúttyqtady.

"Qymbatty otandastar! Sizderdi Oraza ait merekesining bastaluymen shyn jýrekten qúttyqtaymyn! Búl meyram әlemning barsha músylmandary ruhany tazarugha úmtylatyn Ramazan aiynyng ayaqtalghanyn bildiredi. Osy kezende qayyrymdy ister atqaryp, bizding kómegimiz ben janashyrlyghymyzgha zәru jandargha qamqorlyq kórsetuge degen izgi niyet pen yqylas arta týsedi", - degen edi Elbasy óz qúttyqtauynda.

Býgin Qazaqstannyng Músylmandary Diny basqarmasynyng tóraghasy Serikbay qajy da qazaqstandyqtargha qúttyqtau hatyn joldap otyr.

Qadirmendi qauym!

Barshanyzdy músylman ýmbetining úlyq meyramy – Oraza aitpen shyn jýrekten qúttyqtaymyn. Qasiyetti júma kýnimen qatar kelgen ait meyramy qútty-berekeli bolghay!

Bizding halqymyz ramazan aiyn ejelden erekshe qasterlep: «On eki aidyng súltany», – dep qadirlegen. Al mereke kýnderi aghayyn-júrt bir-birine «ayt qabyl bolsyn» aityp, jyly lebizderi men izgi tilekterin arnaghan. Aghayyn-tuysqa aittap baru, balalar men qadirli qonaqtargha aittyq beru – san ghasyrdan beri jalghasyp kele jatqan iygi dәstýr.

Oraza ait – qonaqjaylyq pen meyirbandyqtyn, dostyq pen tatulyqtyng merekesi. Izettilik pen izgilikke, birlik pen iygilikke ýndeytin búl meyram elimizde túratyn týrli últtar men úlystardy da yntymaqqa úiystyra týsedi.

«Ayt» – «merekeleu», «hal súrasu», «bir-birin quantu», «quanyshqa toptalu» degen sóz. Demek, búl kýnderi otbasyn, aghayyn-tuys, kórshiler men kómekke múqtaj jandardy quanyshqa bólep, alghysyn aludyng – sauaby ýlken. Jabyqqan jannyng kónilin jadyratyp, shanyraqty shat-shadyman kýige bólep, syilyq ýlestiru de – merekening sәnin keltire týsetin izgi amaldyng biri.

Úlyq meyramda tolyq juynyp, júpar iyis sebinip, jamaghatpen ait namazyna qatysudyng sauaby erekshe. Ayt namazyna barudan búryn qúrmadan dәm tatu – payghambarymyz Múhammedting (oghan Allanyng salauaty men sәlemi bolsyn) sýnnet amaly.

Oraza ait – bir ay boyy tózimdilik tanytyp auyz bekitken, yqylaspen qayyrymdylyq jasaghan pendening qúrmet pen marapatqa, quanysh pen sauapqa keneletin sәt.

Alla Taghala: «Men paryz etken orazany pendelerim ótep, aqysyn alugha (ayt namazyn óteuge) meshitke bet aldy. Olar Men ýshin oraza ústady, Mening pәrmenimmen auyz ashty, endi quanyshqa kenelsin...»,  – degen. 

Qúrmetti bauyrlar!

Músylman qauymynyng osynau shuaqty meyramynda әrbir shanyraqqa bayandy baqyt, Allanyng amandyghy men bereketin tileymin.

Qasiyetti ramazan aiynda ústaghan orazamyz, jasaghan әrbir qayyrly amaldarymyz, dúgha-tilekterimiz qabyl bolsyn!

Elimiz aman, júrtymyz tynysh, Allanyng syiy – Tәuelsizdigimiz bayandy bolghay! Ámiyn!

Serikbay qajy Oraz,

Qazaqstan músylmandary diniy

basqarmasynyng tóraghasy, Bas mýftiy

Abai.kz