Halyq emshileri haqynda birer sóz

Emshilik, sәuegeylik, kóripkeldik, baqsylyq sekildi tua bitti qasiyet iyeleri qay qoghamda da bolghan. Keshegi ata-babamyzdyng kóshpeli túrmys-tirshiliginen syr shertetin anyz әngimeler men batyrlar jyrynda, ertegi men jyr-dastandarynda da júldyzgha qarap sanaytyn, bolashaqty aldyn ala boljaytyn tylsym kýsh iyeleri jii úshyrasady. Tipti, jaryq dýniyege kelgen nәrestening ertengi kýni elin, jerin qorghaytyn erjýrek batyrgha ainalatyny jayly sýiinshi habar da erekshe qasiyet boyyna daryghan dualy auyzdan tarap otyrghan. Halyq arasynda múnday jandardyng asa qúrmetti, bedeldi, syily túlghalar qatarynan kórinui tekten-tek emes ekeni osydan angharylmay ma?!

Halyq emshileri haqynda birer sóz

Emshilik, sәuegeylik, kóripkeldik, baqsylyq sekildi tua bitti qasiyet iyeleri qay qoghamda da bolghan. Keshegi ata-babamyzdyng kóshpeli túrmys-tirshiliginen syr shertetin anyz әngimeler men batyrlar jyrynda, ertegi men jyr-dastandarynda da júldyzgha qarap sanaytyn, bolashaqty aldyn ala boljaytyn tylsym kýsh iyeleri jii úshyrasady. Tipti, jaryq dýniyege kelgen nәrestening ertengi kýni elin, jerin qorghaytyn erjýrek batyrgha ainalatyny jayly sýiinshi habar da erekshe qasiyet boyyna daryghan dualy auyzdan tarap otyrghan. Halyq arasynda múnday jandardyng asa qúrmetti, bedeldi, syily túlghalar qatarynan kórinui tekten-tek emes ekeni osydan angharylmay ma?!
Qazir she? Ne kóp, emshi kóp. Ayaq attap basqan sayyn ózin-ózi nasihattaghan emshilerding habarlandyruynan, gazet-jurnaldy ashyp, teledidardy qosyp qalsang aty beymәlim, tolyp jatqan kóripkel, balger, qúmalaqshylardan kóz sýrinedi. Apta sayyn jana esim. Búghan “Rahat” telearnasyndaghy “Júmadaghy jýzdesu” habaryn kórgen talay kórermen kuә boldy da. Bir habarda keminde eki-ýsh emshiden tanystyratyn telearna emshilerding jekemenshik arnasyna ainalyp bara jatqanday ma dersin. Qanday qúdiretti kýsh ekeni belgisiz, telearna studiyasyna shaqyrylghan qaysybir emshini alsanyz da, jazbaytyn, emdemeytin aurulary joqtyng qasy bolyp shyghady. Onyng ýstine jauynnan keyingi sanyrauqúlaqtay qaptaghan emshi qauymymen әdemi baylanys ornatqan telearna jurnalisterining sózine de kórermenning senbeuine lajy joq. Sodan keyin de alys shalghaydaghy eldi mekenderden at arytyp keletinder qajet bolsa, ol emshining qayda túratynyna da qaramay, izdep jatady.
Jasyratyny joq, “emshilerdin” jarnamasyn jasaugha gazet-jurnaldardyng da yqpaly óte zor. Osy túrghyda keybir basylymdar ózinshe tosyn “sensasiya” jasaymyz dep halyqty sergeldenge salyp qoyghanyn bile bermeydi. Sayyp kelgende, “anqau elge aramza moldalar” qarapayym halyqtyng qaltasyn qaghyp, songhy jighan-tergen nәpaqasyna deyin soryp otyrudy tabysty kәsip kózine ainaldyryp keledi. Jaqynda bir gazette jurnalist emshilikpen bar-joghy eki jylday shúghyldanyp keletin Saylauhan Áuelbaevanyng airyqsha talantty emshiligi turaly jaza kele, “basqa emshilerden basty aiyrmashylyghy – kez kelgen aurudy emdey alatyndyghynda” dep el-júrtty eleng etkizipti (Meninshe, emshining kóbi: “jazbaytyn auruym joq” deydi. D.M). Onyng sózine sensek, emshi baqayshyqtan basqa deyin tura diagnoz qoyatyn kórinedi. “Otyz tisten shyqqan sóz otyz ruly elge taraydy”, demekshi, osy gazettegi maqalany sholyp shyqqan jer-jerdegi oqyrmannyng kórsetilgen anyqtama telefonyna habarlasugha asyqqany ras. Saylauhan emshi jayyndaghy maqalanyng jariyalanghany múng eken, janyna shipa izdegen bir aghayymyz әieli ekeui aragha uaqyt salmay Respublikalyq halyq medisinasy ortalyghyna tartyp otyrady. Barsa, bir býgin emes, talaydan mazalap kele jatqan dertin basa aitpay, ómir-ghúmyrynda betpe-bet kelmegen aurulardy tize jónelipti. Saylauhan emshining dóp týspegen “diagnozyn” estigen olar tóbe shashtary tik túryp, jandәrmen kýy keshedi. Ne isterin bilmey, “diagnozdy” anyqtaghysy kelip UZY apparatyna týsse, Saylauhan emshining Qúdaydyng sózindey aitqan auruynan qúlan taza ekenine kózi jetedi. Bir qyzyghy, ekeuine jan týrshigerlik “diagnoz” qoyyp, jýregin tas tóbesine shygharyp, joq aurudy tanyp bergen emshi әrqaysysynan bes mynnan on myng tenge qaghyp alghan. Bylay qaraghanda, búl sau adamdy nauqas qylumen birdey ghoy.
Mine, dәl osynday oqighalardyng birin emes, birnesheuin estigen song әrige dәtim shydamay Respublikalyq halyq medisinasy ortalyghyna әdeyi at basyn búrdym. Ishi-syrty júpyny eki qabatty ghimaratqa engennen-aq, ensemdi bir qara kýsh ezip tastaghanday әserde qaldym. Úzaq jyldan beri jóndeu kórmegen ýiding úzynsonar dәlizinde demimdi ishime tartyp kelemin. Moynymdy kezek-kezek búryp esik syrtyndaghy emshilerding aty-jónine kóz jýgirttim. Bir esik te bos emes. “Pәlenshe, týgenshe”, “halyqaralyq dәrejedegi emshi” dep ataq-dәrejesi men qalta telefonyna deyin tәptishtep jazyp qoyypty. Bәlkim, búl qay emshige kirerin bilmey oilanyp-tolghanyp jýrgen adamdardyng bir toqtamgha keluine septigin tiygizer degen oidan tuyndaghan shyghar, kim bilsin?! Ghimarattyng ekinshi qabatyna kóterildim. Kýngirt dәlizding jambasqa batar suyq otyrghyshtarynda kezegin kýtip, esikke telmire qaraghan adam kóp. Jasy men kәrisi de, erkegi men әieli de osynda. Olar esik jaghalap kele jatqan maghan “Jap-jas bop emshilerding ortalyghyna keluine ne joryq?..” degen tandanyspen qaraytyn siyaqty. Men de júrttyng qarasy kóp esikke ayandadym. Qarasam, “Akademik Saylauhan. Qúrmetti halyq emshisi” dep jazylypty. Emshining enshisinde bir emes, ýsh bólme (emdeytin jeri bolsa kerek) bar eken. Jәne basqa esikke qaraghanda, múnda kezekte túrghan adam da jeterlik. Ishtey jurnalister búl emshige talay “kliyent” jinap bergen boldy ghoy” dedim de, suyq otyrghyshtyng búryshyna jayghastym. Qarap otyrghansha janymdaghy kisilermen shýiirkelesudi jón sanap, “Qaysy emshige kirerimdi bilmey basym qatyp túr edi, aqyl-kenes qospaysyzdar ma?” dep edim, alpysty alqymdaghan apa: “Shyraghym, osy jerding ózi tolyp jatqan emshi eken ghoy. Bizding de bastapqy kezde oiymyz san-saqqa jýgirgen. Bireui Qúranmen emdeydi, endigi bireui sumen em-dom jasaytyn kórinedi. Áyteuir, myna Saylauhan emshi gazetke shyghypty degen son, jaqsy shyghar dep kelip otyrmyz” dep kýmәndi oiyn kýstanalay jetkizdi. Qysqasy, Qyzylorda oblysynan at arytyp kelgen apam “qaysysyna kirseng de ózing bil” degendi menzegendey boldy. Sodan ne kerek, Saylauhan emshining esigine kezekke túrdym. Sýt pisirim uaqyttan son, әngime bastaghan ong jaq qaptalymda otyrghan erding jasy eluding o jaq bú jaghyndaghy el aghasy ózining tanerteng ghana poyyzdan týskendigin jәne barar jer, basar tauynyng joqtyghyn uayymmen aitty. Sóitsem, Manghystau oblysy, Beyneu audanynan jetken aghanyng múnda qona jatatyn tuysy joq eken. “Endi qaytem, kelgen song emdeluim kerek qoy. Birdene ghyp arzan qonaq ýy izdep, sonda ayaldaymyn da” dep artynsha ózin-ózi júbatyp qoydy. “Agha, ne sonda, Manghystau ónirinde emshi joq pa?” dep súrap edim, “Emshi kóp qoy. Biraq myna kisini gazette bilmeytini joq dep jazypty. Soghan bola keldim” dep әldeneden ýmitti janday jauap qayyrdy. Birazdan son, әlgi agham ózin mazalaghan jayttyng shetin shygharyp: “Aytpaqshy, búl kisi bir kirgenine qansha súraydy eken? Mýmkin, bergenindi alatyn shyghar, ә? Negizinen kóp emshi solay ghoy” dedi emge ýzbey qatysyp jýrgenderge júmbaq kózimen qarap. Bir kelinshek túryp: “Ádepkide, yaghni, diagnoz qoyghanyna 5 myng tenge aldy. Qazir emine bólek tólep jatyrmyz. Sizding eger jaghdayynyz kelmese, telefon arqyly da em alugha bolady. Múny emshining ózi týsindirip beredi” dep emdeuding jana zamanauy “tәsilin” tanystyra otyrdy. “Telefon arqyly qalay emdeui mýmkin?” dep sener ne senbesin bilmey, basyn shayqap otyrghanda aghanyng kópten kýtken kezegi de kelip, ishke endi. Sóitken agha alatyn em-domyna 33 myng tengeni aldyn-ala tólep shyghypty. Keminde on bes kýn ayaldaytyn baspanasy bar, jýretin joly jәne ishim-jem tamaghy bar, qanshama qarajat ketedi. Ózimshe eseptep baqsam, anau Manghystaudan “Saylauhan emshiden shipa tilep, jazylyp ketermin” dep kelgen agha jinaghan qazynasyn ortaytyp, biraz aqshany arqalap kelgen siyaqty.

JASYM OTYZGhA KELMESE DE, SAU-TAMTYQ JERIM JOQ EKEN...

Ile-shala artynan men de kirdim. Birese ózime, birese qolyma jaltaqtay qaraghan emshi: “Qyzym, saghan tolyqqandy diagnoz kerek pe, әlde basqa súraqpen kelding be?” dep sóiley jóneldi. “Negizi men qay jerimning auyratynyn bileyin dep edim. Sony aityp berinizshi..” dep ótinish bildirdim. “Myna ýstelge 5 myng tenge qoysan, bәrin aitamyn. Qalghanyn sosyn shetinen tóley beresin. Tipti bolmasa, qazir aqshandy berip ket. Diagnozyndy telefonmen aita salamyn” dep tikeley sharuagha kóshti. Búdan búryn da “stavkasy — 5 myng tenge eken” degendi bireu-mireuden estisem de, esh moyynsúnbappyn. Sodan, “Shyny kerek, 5 myng tenge ekenin bilmedim. Kóp emshiler bergenindi ala beredi ghoy. Sizdi de solay shyghar dep oilappyn. Bar bolghany myng tengem bar edi, auruymdy sol aqshagha ghana shaqtap aityp berinizshi...” deuime tura keldi. Aldyna kelgen qaltasy júqaltang alghashqy kliyent boldym ba, bilmeymin, Saylauhan emshi: “Nege telefonmen habarlasqanda, aqshasyn súrap almadyn? Jәy bir emhanagha barsan, bir tomografiyagha 25 myng tengeng ketedi. Emdelging kelse, aqshang jýz myndap shyghady. Ózim dәrigerding diagnozyn da qajet etpeymin. Bar bolghany 5 myng tengege basynnan ayaghyna deyin týgel auyratyn jerindi, dua bar ma, joq pa, bar bolsa qalay jasalghanyn, ýiinde jamandyqtyng bar ne joghyn týk qaldyrmay aityp beremin. Sen myng tengege aitynyzshy deysin, qazir sóilesem toqtay almaymyn ghoy...” dep renjuli qabaq tanytty da, “myng tengelik diagnozdy” aita jóneldi.
“...Bir basynnyng ózinde aitatyn nәrse kóp. Qazir omyrtqandy, asqazanyndaghy ahaudy kórip túrmyn. Basynnan zaqym alypsyn. Bireulerding qorshauynda qalyp, qatty qorqypsyn. Basyn, býiregin, óting auyrady. Bel omyrtqan, segizkózing de dúrys emes. Eki ayaghyng shymyrlap túr. Jәne eki ayaghynnan qatty boran kórip túrmyn. Suyq alghan. Tamaq saghan dúrys sinbeydi. Qúlaghyng auyrady. Alqymyndy qalqan bezderi qysady da, aua jetpey qalady. Ózing jap-jassyn, al óning qanday súp-súr. Onyng bәrining prichinasy bar. Emdelu kerek. Aqsham joq dep jýre bersen, ózindi qúrtasyn. Al eger dәrigerge barsan, aqshang neshe ese shyghyp ketedi. Onyng ózinde olar dúrys diagnoz qoya almaydy. Olar bir ghana aurudy emdeydi de, shipasy dary bermeydi. Sebebi, oghan auru basqa jaqtan kelgendikten, bir-birimen baylanystyra emdeu qajet” dep sau-tamtyq jerimdi qaldyrmady. Az jasymda osynshama aurudyng týrin kóterip jýrsem, 50-60 jastaghy qarttyq mendey bastaghan agha-apalarymnyng hali neshik? Oiladym da, shoshyp kettim. Alayda, óne boyymda azdap suyqtyng bary sezilse de, búghan deyin basymnyng zaqym alghanyn, ótim syzdap, omyrtqamnyng batyra auyrghanyn bayqay qoymappyn. Denem titirkenip, bir týrli qorqynysh biylep aldy. Búl ghimaratqa alghash kirgendegi eki iyghymnyng týsip ketkeni týk emes eken, mynanday “diagnozdy” estigen song ornymnan túra almay, ayaghym algha bastyrmay saryuayymgha battym.
Emshining sózine sensek, eger jol jýrip, uaqytyndy zaya ótkizging kelmese, alysta jatyp-aq úyaly ne jәy telefonyna habarlasyp em qabyldaugha bolady eken. Tipti, telefon arqyly ýidin, temir túlpardyng ishine deyin aralap, jamandyqtan tazartatyn “SaylauSudy” dayyndap beredi-mis. Ol ol ma, halyqaralyq dәrejedegi emshi: “Maghan Gresiya, Fransiya, t.b. shet memleketterden telefon arqyly baylanysqa shyghyp, em alatyndar bar” dep senimsiz otyrghan meni ilandyrugha tyrysty. Eger telefonmen sóilesip, dertinnen “ayyghyp ketem” desen, Saylauhan Áuelbaevanyng arnayy esep-shotyna qajetti aqshany audaryp otyrsang bolghany. Mine, qyzyq! Jana tehnologiyanyng paydasy qayda jatyr? Ýiinde jatyp-aq em ala beresin, onyng aqysy emshige әp-sәtte týsip otyrady. “Qúda da tynysh, qúdaghy da tynysh”.
Ertedegi halyq emshileri qanday syrqatty jazsa da, aqy súraghan emes. Emdelushining bergenine riza bolyp, kete bergen. Qazir she? Jana ghasyrdyng “halyq emshileri” belgilegen “stavkasyn” betine bylsh etkizip aita saludan shimirikpeytin bolypty. “Allanyng ózi de ras, sózi de ras” dep Qúrandy oqyp, Allahtyng atymen “diagnoz” qoyatyn keybir “emshiler” qara halyqty týzu joldan taydyryp, adastyryp jýrgen joq pa, osy? Shyn mәninde, akademiyk, halyqaralyq dәrejedegi emshi – Saylauhan Áuelbaevagha óz ayaghymen kelgen nemese telefonmen habarlasqan kónili kýpti jan syrqatynan aiyghyp ketip jatyr ma?! Qoyghan diagnozy she? Onyng naqty ekendigin nemen dәleldeydi? Emdelushining әr emge jyryp tólegen aqshasynyng jelge úshpauyna kepildik bere ala ma? Osy syndy jauapsyz súraq kóp. Biraq, nege ekeni belgisiz, janyna shipa izdegen júrt dәrigerge emes, emshini, kóripkeldi, qúmalaqshyny jaghalaytyndy әdetke ainaldyrghan. Sóitip jýrip, altyn uaqytyn bos jiberip alghanyn, bas-kózi joq aqshany maqsatsyz jolgha júmsaghanyn kesh týsinip jatady.

“QYLKÓPIR” – JOLBIYKELERDI ÓTKIZBEYDI

Sóz joq, halyq emshiligi ata-babalardan úrpaqtan-úrpaqqa jalghasyp kele jatqan tektik qasiyet. Keshegi jazba mәdeniyetimiz men medisinamyz damymaghan kezende baqsy-balger men emshiler kez kelgen indetting aldyn alyp, betin der uaqytynda qaytaryp otyrghan. Ózining kiyeli ónerin múragerine auyzsha jetkizgen olar erekshe qasiyeti arqyly talaydyng janyna saugha bop, ómirin saqtap qalghan. Sondyqtan da halyq osy tektes naghyz emshilerding tabighat syilaghan darynyna tәnti bop, moyyndap, qoghamnyng beldi mýshesi retinde sanaghan.
Al býginde, әsirese, qarjy qyspaghy alqymnan alghan uaqytta sany bar, sapasy joq emshi qauymyna lek-legimen qosylyp jatqandarda esep joq. Búghan búryn “Rahat” telearnasy arqyly kóz jetkizip jýrsek, endi “Almaty” telearnasyndaghy reseylik “Bitva ekstrasensov” baghdarlamasynyng kóshirmesi ispettes “Qylkópir” habaryn qarasanyz jetip jatyr. Qazirgi kezde bayqaudyng ekinshi kezeni bastalyp ketken. Áytip-býitip birinshi kezennen eki jenimpaz iriktep alyndy. Alayda, qanshama emshi ózine degen senimdilikpen qatysyp otyrsa da, berilgen tapsyrmany dóp basyp tauyp, kórermendi erekshe tang qaldyryp jatqanyn bayqamadyq. Sol kezderde “Búlargha da anghal halyq senip jýr ghoy” dep ishtey yzalandyq ta. Áriyne, habardy bastaghannan keyin, ony sonyna jetkizu mәselesi taghy bar. Biraq, bayqaugha qatysugha niyet bildirgen “emshilerdin” qay-qaysysy da “Qylkópirdin” ghúmyrly boluyna emes, kerisinshe qysqa qayyruyna әri mazmúnsyz ótuine alyp kele jatqan siyaqty. Birinshiden, búl habardyng nәtiyjesinde әdettegidey nәpaqanyng izin qughan sansyz “emshiler” jarnamalansa, ekinshi jaghynan, qarapayym kórermen de bildey “Halyq emshisi” degen ataqty aq ter, kók ter bolyp arqalap jýrgen jasampaz emshilerdi aiyra biletin jaghdaygha jetti.
“Qylkópir” habarynyng redaktor-jýrgizushisi Dosan Qyzaybekúlymen tildeskenimizde, “Habardyng maqsaty – emshilerdi dәripteu de jamandau da emes. Kórermenning ózi habardyng әr sanyn qarap otyryp, shyndyqqa kózin jetkizetin bolady” degen-di. Onyng aituynsha, emshilerding birshamasy bayqaugha qatysugha ózi niyet bildirse, kóbisin biz bas súqqan respublikalyq halyq medisinasy ortalyghy úsynady eken. Sonyng arasynda jýrgizilgen ishinara irikteuding nәtiyjesinde bayqau ýmitkerleri shyghady. Aytpaqshy, “Qylkópirdin” birinshi kezeninde synaqqa týskender ózin naghyz emshi retinde kórsete almay, sýrinbeytin jerde mýlt ketkenmen, olardyng emshilik bedeline núqsan kelmegen siyaqty. Sonday kónil qalarlyq osaldyqtaryn bildirip qoysa da, tolyp jatqan ataghynyng arqasynda qyzmetin әri qaray jalghap, ortalyqtaghy jyly ornyn suytqysy kelmeytindey. Senbeseniz, halyq medisinasy ortalyghyna barynyzshy, “Qylkópirden” úshyp ketken eks-ýmitkerlerding beyqam týrde syrqattardy qabyldap, emdik sharalaryn jasap, “shipa syilap” jatqanyn óziniz kórip, kuә bolasyz. Basynyzdy shayqap, “Ey, anqau halqym-ay! Netken kórsoqyr edin!” dep aiqaylap jiberuge shaq qalasyn. Biraq, amal neshik, imanday ilanyp alghan júrttyng kókirek kózi ashylmayynsha, sendiru qiynnyng qiyny.
Osydan keyin Qúran ústap ózderin qúdayshyl retinde tanytugha әues basyna aq sәlde oranghan keybir dýmshe moldalar men sauatsyz emshiler halyqty imandylyq jolyna saludan góri, odan bezindiruge ýlesin qosyp jatyr ma dep ýrke shoshimyn. Shynynda da, “Allahtyng aq jolyn tandadyq” degen solardyng ózi dindi bilim men ghylymnyng emes, naryqtyng kózine ainaldyryp alghan joq pa? Respublikalyq halyq medisinasy ortalyghyna baryp, bәrine ózim kóz jetkizgeli beri osy bir kýmәndi oy kýndiz-týni basymnan shyqpay qoydy.

Dinara MYNJASARQYZY
«Týrkistan» gazeti 4 mausym 2009 jyl