"Eger bankter qyzmetine nemese qanday da bir shetel valutasyn qoldanugha tyiym salynsa, onda ony ekonomikalyq soghys dep tura aitugha bolady. Búl soghysqa ekonomikalyq, sayasi, qajet bolsa basqa da әdistermen jauap qaytaru qajet bolmaq" dedi Medvedev.

Qoldanystaghy sanksiyalar turaly aitqan Resey premieri shekteu sharalary el ekonomikasyna әser etip otyrghanyn moyyndady. Medvedevting sózinshe, sanksiya "Reseydi halyqaralyq arenadaghy myqty bәsekeles qatarynan ysyryp tastau ýshin" engizilip otyr.

AQSh-tyng Reseyge salatyn jana sanksiyasy 22 tamyzda kýshine enedi. Vashington ony Úlybritaniyada reseylik búrynghy agent Sergey Skripali men qyzy Yuliya Skripaliding ulanuyna baylanysty salyp otyr. Vashington Resey Úlybritaniyada Skripaliderdi ulau ýshin әskery "Novichok" uyn qoldanyp, halyqaralyq qúqyqty búzghanyn mәlimdedi. Jana sanksiyada Reseyge últtyq qauipsizdik salasynda, onyng ishinde aviasiyada qoldanylatyn elektrondyq qúrylghylardy eksporttaugha tyiym salu qarastyrylghan. Sanksiya turaly habarlanghan song Resey rubli kýrt arzandady.

Eger Mәskeu ýsh ay ishinde himiyalyq qaru qoldanbaytynyna kepildik bermese jәne halyqaralyq inspektorlardy tekseruge jibermese, onda qosymsha sanksiya salynbaq. Sanksiyanyng ekinshi kezeninde "Aeroflot" kompaniyasynyng AQSh-qa úshuyna tyiym salu jәne ekijaqty sauda-sattyq kólemin barynsha azaytu kózdelip otyr.

AQSh-ta 1991 jyly qabyldanghan himiyalyq jәne biologiyalyq qaru turaly zang boyynsha, Vashington qanday da bir biologiyalyq nemese himiyalyq qaru qoldanghan elge shekteu sharalaryn qoldanady.