Tәjikstan jәne Ózbekstannyng enbek migranttary otyrghan on avtobustyng shekaradan óte almay túrghanyna eki kýn bolghan. Keden qyzmetkerlerining týsindiruinshe, rúqsat beru mәselesining sheshilmeuine baylanysty avtobustar Qazaqstan jaghyna qaray óte almay túr jәne kýnine bir avtobustan ghana ótkizuge rúqsat berilgen.
Reseyding Novosibirsk, Tomsk, Krasnoyarsk qalalarynan kele jatqan jolaushylar Qúrban-ayt merekesine oray ýilerine barghysy kelgen. "Olardyng arasynda әielder men balalar da bar" dep jazdy jergilikti total.kz sayty.
Jolaushylardyng tamaq-sulary tausylghan, al avtobus túrghan manda dýkender joq.
“Bizding súraqtarymyzgha jauap bermeydi. Kýtinder deydi…Su joq, tamaq joq. Býgin (18 tamyz – red.) týske deyin avtobustan birde-bir adamnyng shyghuyna rúqsat bermedi, al men otyrghan avtobusta 17 bala bar, olardyng arasynda kókirek sýtinen shyqpaghan balalar da bar” deydi avtobus jýrgizushilerining biri Abylayhan Maqsút.
Youtube-ta jariyalanghan myna viydeoda narazy jolaushylardyng súraghyna jauap berip túrghan keden beketining ókili kýnine bir avtobustan ótkizetinin aitady.
Azattyqtyng “Sibiri.Realiy” sayty Omby kedenining baspasóz qyzmetine habarlasqanmen jauap ala almaghan.
Abai.kz
