Týrkistan: Ónir júrtynyng 98 payyzynda elektrondy densaulyq pasporty bar
Týrkistan oblysy boyynsha 1 791 201 elektrondy densaulyq pasporty jasaqtaldy. Búl ónir halqynyng 98 payyzyn qúraydy. Búl turaly oblys әkimining baspasóz qyzmeti habarlady.
Sonday-aq, oblystaghy barlyq medisina qyzmetkeri aqparattyq jýie boyynsha oqytylyp, 290 668 azamat mobilidik qosymshany paydalanghan. Búl turaly Týrkistan oblysynyng Ónirlik kommunikasiyalar qyzmetinde ótken brifingte Densaulyq saqtau basqarmasynyng basshysy Múqan Egizbaev mәlimdedi.
Sonymen qatar, elektrondyq medisinalyq jazular sany 1 701 891-ge jetip, enbekke jaramsyzdyq paraghy elektrondyq núsqada 52 563 adamgha berilgen. Audandyq, qalalyq emhanalarda 20 sifrlyq kómek posttary ashylyp, onda 408 201 adam oqytyldy.
Basqarma basshysynyng aituynsha, oblystaghy medisina úiymdarynyng jabdyqtaluy 65 payyzdan asqan.
«Aghymdaghy jyly medisinalyq úiymdardyng materialdyq-tehnikalyq jabdyqtaluyna 8,1 mlrd. tenge bólinip, ótken jylmen salystyrghanda 1,5 esege artyp otyr. Birinshi kezekte ana men bala, jansaqtau, ota jasau, jedel jәrdem qyzmetin kýsheytuge jәne «Sifrlyq Qazaqstan» baghdarlamasyn iske asyrugha basymdyq berilip otyr. Búdan ózge, Týrkistan qalalyq emhananyng jәne Týrkistan qalasyndaghy 610 tósek oryngha arnalghan oblystyq kópsalaly auruhananyn, sonday-aq oblystyq tuberkulezge qarsy jәne onkologiyalyq ortalyqtardyng qúrylysyn jýrgizu, Týrkistan qalasynda oblystyq jedel jәrdem stansysyn janghyrtu jәne paydalanu jobalary josparlanuda», - dedi Múqan Kenesbekúly.
Onyng mәlimdeuinshe, 2018 jyly oblysta 15 auyldyq emhana men 5 dәrigerlik ambulatoriya 20 Bastapqy medisinalyq-sanitariyalyq kómek (BMSK) bolyp qayta qúrylghan. Sonymen qatar, Kentau, Sayram, Saryaghash audandarynda 3 insulittik ortalyq ashylyp, oblystyq budjet esebinen 3 dana kompiuterlik tomograf satyp alyndy.
Abai.kz
